ट्रेनमध्ये इमर्जन्सी आल्यास चेन खेचण्याशिवाय आणखी कोणते पर्याय आहेत उपलब्ध? जाणून घ्या सविस्तर

रेल्वे प्रवासादरम्यान मेडिकल इमर्जन्सी, सामान चोरी किंवा इतर समस्या उद्भवल्यास अनेक प्रवासी थेट लाल चेन ओढतात. मात्र, चेन न ओढताही रेल्वेकडून मदत मिळवण्याचे पर्याय उपलब्ध आहेत. हे पर्याय नेमके कोणते आणि त्यांचा वापर कसा करायचा, जाणून घ्या.

• रेल्वे प्रवासात आपत्कालीन परिस्थिती उद्भवल्यास मदत मिळवण्यासाठी एक विशेष हेल्पलाइन उपलब्ध आहे.
• मोबाईलच्या मदतीनेही रेल्वेकडे तक्रार नोंदवता येते.
• काही रेल्वेंमध्ये प्रवाशांच्या सुरक्षेसाठी विशेष आपत्कालीन सुविधाही देण्यात आल्या आहेत.

रेल्वेत प्रवास करताना कोणती मेडिकल इमरजेंसी आली किंवा कुणाचे सामान चोरीला किंवा अन्य काही समस्या उद्भवल्या तर प्रवासी अधिकतरवेळी रेल्वेत असणाऱ्या लाल चेनचा वापर करतात. ही चेन ओढली रेल्वे थांबते आणि अधिकारी मदतीसाठी येतात. तथापि, किरकोळ समस्यांसाठी रेल्वेची ही चेन ओढण्यास मनाई आहे. असे केल्यास तुम्हाला भारीभक्कम दंड देखील भरावा लागू शकतो. अशात तुम्हाला माहितीये का? चेन न ओढताही अशा परिस्थितीत तुम्ही रेल्वेच्या इतर सुविधांला लाभ घेऊ शकता. आपत्कालीन परिस्थितीत प्रवाशांच्या मदतीसाठी रेल्वे काही सुविधा पुरवते परंतु अनेक प्रवाशांना याविषयी माहिती नाही आणि म्हणूनच आजच्या लेखात आपण याविषयी सविस्तर माहिती जाणून घेणार आहोत.

Dussehra 2026: सोनं घ्या, सोन्यासारखे रहा..! विजयादशमीनिमित्त नातेवाईक आणि प्रियजनांना द्या खास मराठमोळ्या शुभेच्छा

139 नंबरवर काॅल करा

हा भारतीय रेल्वेचा वन स्टाॅप सॉल्यूशन नंबर आहे. प्रवासादरम्यान जर कोणताही समस्या जसे की, मेडिकल इमरजेंसी किंवा सुरक्षेसंबंधित समस्या असली की तुम्ही या नंबरवर काॅल करु शकता. या नंबरच्या मदतीने तुमचा काॅल डायरेक्ट रेल्वे कंट्रोल रुमशी जोडला जाईल. तुम्हाला त्यांना फक्त तुमचा पीएनआर नंबर आणि समस्या सांगायची आहे. याच्या मदतीने पुढील स्टेशवर तुमच्यासाठी मदत पोहचवली जाईल.

रेल्वे ॲप

रेल्वेचे अधिकृत ॲप देखील आहे ज्याचा वापर तुम्ही गरजेच्या वेळी करु शकता. यासाठी तुमच्या मोबाईल फोनमध्ये Rail Madad’ ॲप इंस्टाॅल करा. हे ॲप तुम्हाला कोणालाही फोन न करता तुमची तक्रार नोंदवण्याची सुविधा देते. तुम्ही फोटोसुद्धा अपलोड करू शकता. आपल्या पीएनआर नंबरसह तुम्हाला इथे तुमची समस्या सांगायची आहे. रेल्वे सिस्टीम तुमचे लोकेशन ट्रॅक करेल आणि तुमच्यापर्यंत मदत पोहचवेल.

Hair Growth: केसांची खुंटलेली वाढ होईल वेगाने! जास्वदींच्या फुलांचा वापर करून बनवा नॅचरल हेअर टोनर, केसांना मिळेल पोषण

‘इमरजेंसी टॉक-बॅक’ बटन

रेल्वेने नुकतेच ट्रे्न्समध्ये ‘इमरजेंसी टॉक-बॅक’ बटन सुरु केले आहे. अनेक रेल्वेमध्ये ही सुविधा उपलब्ध आहे. यात तुम्हाला फक्त रेल्वेत बसवलेल्या बटणावर क्लिक करायचे आहे आणि तुमची समस्या यात बोलून सांगायची आहे. याच्या मदतीने थेट लोको पायलट किंवा गार्डशी तुम्हाला संपर्क साधता येते आणि त्यांना आपली समस्या सांगता येते.