खराब कोलेस्ट्रॉलमुळे हृदयाच्या रक्तपुरवठा बंद झाला आहे? रक्तवाहिन्या स्वच्छ करण्यासाठी नियमित करा ‘या’ पदार्थांचे सेवन

रक्तात साचून राहिलेले खराब कोलेस्ट्रॉल बाहेर काढून टाकण्यासाठी आहारात वेगवेगळ्या मसाल्यांचे सेवन करावे. या पदार्थांच्या सेवनामुळे रक्तात जमा झालेली घाण बाहेर पडून जाते आणि रक्तवाहिन्या स्वच्छ होतात.

रक्तात वाढलेले कोलेस्ट्रॉल कमी करण्यासाठी उपाय?
रक्तवाहिन्या स्वच्छ ठेवण्यासाठी काय करावे?
कोलेस्ट्रॉल वाढण्याची कारणे?

दीर्घकाळ निरोगी राहण्यासाठी शरीरातील प्रत्येक अवयवाचे कार्य सक्रिय असणे आवश्यक आहे. पण धावपळीच्या जीवनशैलीमुळे शरीराकडे लक्ष देण्यास जास्त वेळ मिळत नाही. आहारात होणारे बदल, कामाचा वाढलेला तणाव, सतत जंक फूडचे सेवन, शारीरिक हालचालींचा अभाव, पाण्याची कमतरता इत्यादींचा परिणाम आरोग्यावर लगेच दिसून येतो. शरीरात खराब कोलेस्ट्रॉलची पातळी वाढल्यानंतर अनेक गंभीर लक्षणे दिसू लागतात. शरीरात दिसणाऱ्या या लक्षणांकडे दुर्लक्ष न करता डॉक्टरांच्या सल्ल्याने उपचार करणे आवश्यक आहे. कोलेस्ट्रॉल वाढल्यानंतर ते हळूहळू रक्तवाहिन्यांमधून साचून राहण्यास सुरुवात होते. कालांतराने हा थर संपूर्ण हृदयाचे गंभीर नुकसान करतो.(फोटो सौजन्य – istock)

आतड्यांमध्ये कुजलेल्या घाणीमुळे पोटात कायमच जडपणा जाणवतो? मग सकाळी उठल्यानंतर नियमित प्या ओव्याचा काढा

रक्तवाहिन्यांमध्ये साचून राहिलेला पिवळा थर रक्तप्रवाहात अडथळे निर्माण करतो, ज्यामुळे हार्ट अटॅक, हार्ट ब्लॉकेज, हार्ट स्ट्रोक इत्यादी गंभीर समस्या उद्भवून कोणत्याही क्षणी मृत्यू होण्याची शक्यता असते. तरुणांमध्ये खराब कोलेस्ट्रॉलचे प्रमाण झपाट्याने वाढताना दिसून येत आहे. म्हणूनच आज आम्ही तुम्हाला रक्तवाहिन्यांमध्ये वाढलेला चरबीचा चिकट थर नष्ट करण्यासाठी आहारात कोणत्या पदार्थांचे सेवन करावे, याबद्दल सविस्तर माहिती सांगणार आहोत. हे पदार्थ शरीरासाठी औषध गोळ्याप्रमाणे उपयोगी ठरतात. स्वयंपाक घरातील प्रभावी पदार्थांचे सेवन करून तुम्ही दीर्घकाळ निरोगी राहू शकता.

लसूण:

जेवणातील अनेक वेगवेगळे पदार्थ बनवताना लसूण वापरला जातो. लसूणमध्ये असलेले अ‍ॅलिसिन शरीराचा रक्तदाब नियंत्रणात ठेवतो. याशिवाय इतर घटक रक्तप्रवाहात अडथळे निर्माण करत नाहीत. लसूण खाल्ल्यामुळे शरीरात वाईट कोलेस्ट्रॉलचा थर साचून राहतात. त्यामुळे सकाळी उठल्यानंतर उपाशी पोटी तुपात भाजलेला लसूण किंवा मधात मिक्स केलेला लसूण खावा. यामुळे शरीरात जमा झालेली सर्व घाण बाहेर पडून जाईल आणि आरोग्य सुधारण्यास मदत होईल. कच्ची लसूण पाकळी नियमित खाल्ल्यास रोगप्रतिकारशक्ती वाढण्यासोबतच आजारांपासून कायमच लांब राहाल.

हळद:

रक्तवाहिन्यांमध्ये जमा होणारे घाणेरडे घटक बाहेर काढून टाकण्यासाठी हळदीचे सेवन करावे. सकाळी उठल्यानंतर कोमट पाण्यात चिमूटभर हळद मिक्स करून सेवन केल्यास शरीराला भरमसाट फायदे होतील. जेवणातील भाज्या आणि इतर अनेक वेगवेगळे पदार्थ बनवताना हळदीचा वापर केला जातो. हळद रक्तप्रवाह सुधारण्यासाठी मदत करते. शरीराच्या कोणत्याही अवयवाला आलेली सूज कमी करण्यासाठी आणि शरीरातील दाह कमी करण्यासाठी हळदीचे सेवन करावे.

आलं:

तिखट चवीचे आलं चहा बनवताना आणि जेवणाची चव वाढवण्यासाठी वापरले जाते. सकाळी उठल्यानंतर उपाशी पोटी आल्याचे सेवन केल्यास शरीरात साचून राहिलेली घाण बाहेर पडून जाते. आळ्यामध्ये दाहक विरोधी गुणधर्म मोठ्या प्रमाणावर आढळून येतात. आल्याचा काढा किंवा आल्याचा चहा बनवून प्यायल्यास नसांमधील अपायकारक घटक कमी होऊन हृदयाचे आरोग्य सुधारते.

हिवाळ्यात करा Kidney चे संरक्षण, मुतखड्यापासून दूर राहण्यासाठी घ्या ‘अशी’ काळजी

कोलेस्ट्रॉल कमी करण्यासाठी या सवयींमध्ये करा बदल:

कायमच हेल्दी राहण्यासाठी दैनंदिन आहारात तिखट आणि तेलकट पदार्थांचे सेवन करण्याऐवजी सहज पचन होणाऱ्या पौष्टिक पदार्थांचे सेवन करावे. कोलेस्ट्रॉल वाढू नये म्हणून तेलकट आणि मसालेदार पदार्थांचे अजिबात करू नका. रक्तात वाढलेले कोलेस्ट्रॉल ही कधीच न संपणारी समस्या आहे. यामुळे कोणत्याही क्षणी मृत्यू होण्याची शक्यता असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.