इटालियन सॅंडविच प्रकार : संध्याकाळच्या नाश्त्यासाठी घरी बनवून पहा ‘चिकन पानिनी’, चवीने घरचे सर्वच होतील खुश

Chicken Panini Recipe : इटालियन पद्धतीचा हा ग्रील सँडविच चवीला फार छान लागतो. संध्याकाळच्या हलक्या भुकेला शमवण्यासाठी काही चवदार पदार्थ शोधत असाल तर ही डिश तुमच्यासाठी अगदी उत्तम आहे.

• चिकन पानिनी हा इटालियन पद्धतीचा एक ग्रील सँडविच आहे.
• यात सॉस भाज्या आणि चिकनची स्टफिंग केली जाते.
• चवीला हा सँडविच पोटभरणीचा आणि चवदार ठरतो.

आजकाल कॅफेमध्ये मिळणारे सॅंडविच प्रकार खूप लोकप्रिय झाले आहेत. त्यामध्ये पानिनीहा एक खास इटालियन सॅंडविच प्रकार आहे. बाहेरून कुरकुरीत आणि आतून रसाळ अशी त्याची चव असते. पानिनी साधारणपणे ग्रिल केलेल्या ब्रेडमध्ये चिकन, चीज, भाज्या आणि सॉस घालून बनवले जाते.

Summer Special : तिखट नाही तर यंदा घरी बनवा आंबट गोड चवीचं ‘कैरीचं लोणचं’, पारंपरिक रेसिपी नोट करा

घरीसुद्धा अगदी कॅफेसारखा स्वादिष्ट चिकन पानिनी तयार करता येतो. नाश्त्यासाठी, संध्याकाळच्या स्नॅक्ससाठी किंवा हलक्या जेवणासाठी हा उत्तम पर्याय आहे. विशेष म्हणजे ही रेसिपी बनवायला सोपी आहे आणि कमी वेळात तयार होते. मुलांना तसेच मोठ्यांनाही हा पदार्थ खूप आवडतो. चला तर मग घरच्या घरी टेस्टी आणि कुरकुरीत चिकन पानिनी कसे बनवायची याची रेसिपी जाणून घेऊया.

साहित्य

• 2 ब्रेड स्लाइस
• 1 कप उकडलेले आणि चिरलेले चिकन
• 2 चीज स्लाइस
• 2 चमचे मेयोनीज
• 1 चमचा टोमॅटो सॉस
• कांद्याचे पातळ काप
• टोमॅटोचे काप
• थोडी कोबीची पाने
• मीठ आणि मिरी पावडर चवीनुसार
• 1 चमचा बटर

Recipe : खास प्रसंगी मेजवानी करा चवदार, घरी बनवा रेस्टाॅरंट स्टाईल कुरकुरीत आणि सॉसी ‘पनीर क्रिस्पी’

कृती 

• यासाठी सर्वप्रथम उकडलेले चिकन लहान तुकड्यांमध्ये कापून त्यात मीठ, मिरी पावडर आणि थोडे मेयोनीज घालून हलके मिक्स करा.
• ब्रेडच्या दोन्ही स्लाइसवर थोडे बटर लावा. एका स्लाइसवर मेयोनीज आणि टोमॅटो सॉस पसरवा.
• त्यावर चिकनचे मिश्रण समान पसरवा.
• चिकनवर कांदा, टोमॅटोचे काप आणि कोबीची पाने ठेवा. त्यावर चीज स्लाइस ठेवा.
• आता दुसरा ब्रेड स्लाइस वरून ठेवून सॅंडविच तयार करा.
• पानिनी मेकर किंवा तव्यावर थोडे बटर घालून सॅंडविच दोन्ही बाजूंनी कुरकुरीत होईपर्यंत ग्रिल करा.
• गरमागरम चिकन पानिनी मधून कापून सॉस किंवा डिपसोबत सर्व्ह करा.