5000 वर्षे जुनं ठिकाण, जिथे पांडवांनी केला होता निवास! भीमकुंडात स्नान करताच दूर होतात सर्व आजार

राजस्थानला जात असाल तर येथील विराटनगरला जायला अजिबात विसरू नका. वनवासात पांडवांनी येथे आश्रय घेतला होता. आजही इथे भीमच्या पावलांचे ठसे आढळतात ज्याचे आता कुंडात रूपांतर झाले आहे.

राजस्थान हे फिरण्यासाठीचे एक लोकप्रिय आणि ऐतिहासिक पर्यटनस्थळ आहे. इथे तुम्हाला प्राचीन किल्ले, राजवाडे, तलाव आणि अगदी हिरवेगार डोंगरसुद्धा पाहायला मिळतात. जर तुम्हाला महाभारताशी संबंधित इतिहासात रस असेल, तर आम्ही तुम्हाला सांगतो की, राजस्थानात पांडवांशी संबंधित अनेक पौराणिक स्थळं आहेत जिथे त्यांनी काही काळ घालवला होता. आज आपण अशाच एका ऐतिहासिक स्थळाची माहिती घेणार आहोत जे जयपूरजवळचं स्थित आहे. या ठिकाणाचे नाव आहे विराटनगर, हे ठिकाण पांडवांच्या इतिहासाशी घट्ट जोडलेलं आहे.

कैलास पर्वताचे 5 रहस्य जे तुम्हाला आश्चर्यचकित करतील; का आजवर कुणीही यावर चढू शकलं नाही? ‘

विराटनगरमधील श्री भीमसेन मंदिर

विराटनगर हे प्राचीन श्री भीमसेन मंदिरासाठी प्रसिद्ध आहे. भीम हे पाच पांडवांपैकी एक होते आणि आजही त्यांची अपार शारीरिक ताकद व शौर्य यासाठी त्यांना ओळखलं जातं. जयपूरपासून सुमारे ३ किलोमीटर आत डोंगरामध्ये हे प्राचीन मंदिर आहे, जे पाहण्यासाठी पर्यटक मोठ्या संख्येने येतात.

विराटनगरमध्ये पांडवांनी घालवला अज्ञातवास

राजस्थानात पर्यटनासाठी येणाऱ्या लोकांना विराटनगराबद्दल फारशी माहिती नसते. पण जर तुम्हाला ऐतिहासिक व पौराणिक स्थळांची माहिती घ्यायची असेल, तर या ठिकाणी एकदा तरी नक्की जावं. महाभारत काळात पांडवांनी अज्ञातवासाच्या दरम्यान काही काळ येथे वास्तव्य केलं होतं. येथील भीम कुंड नावाच्या ठिकाणाला धार्मिक आणि ऐतिहासिक महत्त्व आहे. स्थानिकांच्या मते, या कुंडाचं पाणी कधीच आटत नाही, जरी उन्हाळ्यात तापमान कितीही वाढलं तरी. मात्र, हे पाणी पिण्यायोग्य नाही.

दगडात उमटलेलं भीमचं पाऊल

स्थानिक लोकांच्या कथेनुसार, येथे दगडांवर भीमचे पावलांचे ठसे आजही स्पष्टपणे दिसतात. यापैकी एक ठसा इतका मोठा आहे की त्यामध्ये पाणी साठलेलं असून तो आज भीम कुंड म्हणून ओळखला जातो. या पावलाचा आकार अंदाजे १५ फूट लांब व ४ फूट रुंद आहे. हे कुंड वर्षभर आणि दिवसरात्र पाण्याने भरलेलं असतं. पावसाळ्यात तर यातील पाण्याची पातळी आणखीनच वाढते. विशेष म्हणजे, या कुंडात पाणी कुठून येतं हे आजपर्यंत कोणी शोधू शकलेलं नाही.

विटा-सिमेंट नाही! 3D तंत्रज्ञानाने स्वित्झर्लंडमध्ये बनवण्यात आला जगातील सर्वात उंच टॉवर; फार अद्भुत आहे याची रचना

भीम कुंडात स्नान करणे शुभ मानले जाते

राजस्थानसह आसपासच्या भागांतील लोक जेव्हा हे ५००० वर्षे जुने ठिकाण पाहायला येतात, तेव्हा भीम कुंडात स्नान करणं ते शुभ मानतात. त्यांच्या मते, या कुंडाच्या पाण्याने स्नान केल्यास सर्व रोग दूर होतात. मात्र हे पाणी पिण्यायोग्य नसल्याने ते पिऊ नये.

विराटनगर कसे गाठाल?

विराटनगर हे राजस्थानच्या जयपूर जिल्ह्याच्या उत्तरेला वसलेलं एक ऐतिहासिक शहर आहे. येथे जाण्यासाठी प्रथम तुम्हाला जयपूरपर्यंत पोहचावं लागेल. दिल्लीहून जयपूरसाठी थेट बस व ट्रेन सेवा उपलब्ध आहे. जयपूरपासून विराटनगरची अंतर सुमारे ९५.५ किलोमीटर आहे, जे दोन तासांत पार करता येतं. विराटनगरात पोहोचल्यानंतर सुमारे ३ किलोमीटर आत गेल्यावर तुम्हाला प्राचीन श्री भीमसेन मंदिर आणि त्याच परिसरात असलेला भीम कुंड पाहायला मिळेल.