श्रावणात हा झणझणीत आणि चवदार पदार्थ बनवला का? नसेल तर आजच घरी बनवा डुबुक वड्याची चमचमीत भाजी

बेसनचे दुबक वडे हे एकदम घरगुती, पारंपरिक आणि लहानपणच्या आठवणी जागवणारे पदार्थ आहेत. अगदी कमी साहित्य, कमी वेळ आणि भरपूर चव यामुळे ही रेसिपी दर आठवड्याला एकदा करायला हरकत नाही!

डुबुक वडे ही एक पारंपरिक, कमी प्रसिद्ध पण अतिशय स्वादिष्ट आणि पौष्टिक कोकणातील व ग्रामीण महाराष्ट्रातील खास पारंपरिक डिश आहे. “डुबुक” हा शब्द म्हणजे शिजवलेली उसळ किंवा कालवण, आणि “वडे” म्हणजे शिजवून तयार केलेले मऊसूत गोळे – जे विशेषतः उपवासाच्या किंवा साध्या जेवणात केले जातात. बेसन पीठाचे डुबुक वडे ही डिश स्वस्त, पोटभरीची आणि सहज बनणारी आहे, म्हणूनच पूर्वीच्या काळी ग्रामीण भागात ही डिश नियमित केली जायची.

आंबट गोड चवीच्या पपनीसपासून झटपट बनवा ‘हा’ चविष्ट पदार्थ, लहान मुलांपासून अगदी मोठ्यांपर्यंत सगळ्यांचं आवडेल पदार्थ

आता अनेक नव्या डिशेस येऊन गेल्या, पण अजूनही काही कुटुंबांमध्ये खास पावसाळ्यात किंवा थंडीच्या दिवसात “डुबुक वडे” हे प्रेमानं केले जातात. ही डिश अगदीच कमी साहित्याने बनते, त्यातही बेसन पीठ (हरभऱ्याचं पीठ) हे मुख्य घटक असतो. हे वडे इडलीसारखे वाफवून तयार केले जातात आणि त्यासोबत झणझणीत कालवण सर्व्ह केलं जात. चला तर मग कोणताही वेळ न घालवता याची चविष्ट रेसिपी जाणून घेऊया.

साहित्य:

• बेसन (हरभऱ्याचं पीठ) – १ कप
• तांदळाचे पीठ – १/२ कप (ऐच्छिक, वडे सॉफ्ट होण्यासाठी)
• हिंग – १ चिमूट
• मीठ – चवीनुसार
• जीरे – १/२ टीस्पून
• कोथिंबीर – १ टेबलस्पून (बारीक चिरलेली)
• गरम पाणी – आवश्यकतेनुसार (पीठ मळण्यासाठी)
• कांदा – १ मध्यम, बारीक चिरलेला
• लसूण – ४ पाकळ्या
• सुकं खोबरं – २ टेबलस्पून
• गोडा मसाला – १ टीस्पून
• हळद – १/२ टीस्पून
• लाल तिखट – १ टीस्पून
• चिंच-गूळ – १ टेबलस्पून (चवीनुसार)
• तेल – २ टेबलस्पून
• मोहरी, हिंग – फोडणीसाठी
• हळद
• मीठ – चवीनुसार
• कोथिंबीर – सजावटीसाठी

गव्हाच्या पिठापासून बनवा पौष्टिक अन् झटपट तयार होणारं खमंग धिरडं; सकाळच्या नाश्त्यासाठी परफेक्ट पर्याय

कृती

• एका परातीत बेसन, तांदळाचे पीठ, हिंग, जीरे, मीठ आणि कोथिंबीर एकत्र करून मिक्स करा.
• त्यात हळूहळू गरम पाणी घालत सैलसर पण चिकटसर पीठ मळा.
• पीठ थोडं झाकून १० मिनिटं विश्रांतीला ठेवा.
• कढईत तेल गरम करून मोहरी, हिंग आणि हळद घाला.
• त्यात कांदा, लसूण, सुक खोबरं घालून परतून घ्या आणि मग मिक्सरमध्ये याची पेस्ट करा.
• कढईत पुन्हा तेल टाका आणि त्यात ही पेस्ट घालून छान परतून घ्या.
• नंतर त्यात गोडा मसाला, तिखट आणि हळद घालून छान परतून घ्या.
• त्यात थोडंसं पाणी आणि चिंच-गूळ घालून झाकण ठेवून शिजवा.
• आता यात तयार पिठाचे वडे करून कालवणात सोडा आणि वर झाकण ठेवून छान उकळी येऊ द्या.
• १० ते १५ मिनिटे मंद आचेवर हे झणझणीत कालवण छान शिजू द्या.
• शेवटी त्यात मीठ आणि चिरलेली कोथिंबीर घाला आणि गॅस बंद करा.
• या डिशला लोणचं किंवा लिंबाची फोड साथ देऊ शकते. गरमागरम खाताना अंगात एक ऊबदारपणा जाणवतो!
• बेसन पीठ जर जास्त घट्ट वाटत असेल, तर थोडं तांदळाचं पीठ मिक्स करा.
• ही डिश भाकरी किंवा भातासोबत खाता येते, तुम्ही चपातीसोबतही याचा आस्वाद घेऊ शकता.
• गरमा गरम याची चव आणखीनच छान लागते.

FAQs (संबंधित प्रश्न)

डुबुक वडे काय आहे ?
डुबुक वडे महाराष्ट्राची पारंपारिक आणि फेमस डिश आहे ज्यात झणझणीत लाल कालवणात बेसनाचे वडे टाकून डिश तयार केली जाते.

डुबुक वडे कुठे अधिक खाल्ले जातात?
ही डिश खानदेशात अधिकतर बनवली आणि खाल्ली जाते.