गव्हाच्या पिठापासून बनवा पौष्टिक अन् झटपट तयार होणारं खमंग धिरडं; सकाळच्या नाश्त्यासाठी परफेक्ट पर्याय

Wheat Dhirad Recipe : गव्हाच्या पिठापासून तयार केलेलं खमंग धिरडं फक्त चावीलाच चांगली नाही तर आरोग्यासाठीही फायदेशीर ठरणारी डिश आहे. मुख्य म्हणजे सकाळच्या घाईगडबडीत तुम्ही ही डिश एकदम झटपट बनवू शकता.

(फोटो सौजन्य: ãhãram)

Follow Us:

Follow Us:

धिरडं हा पारंपरिक मराठी पदार्थ असून तो अतिशय सोपा आणि झटपट होतो. गव्हाचं पीठ, ताक किंवा पाणी आणि थोडं मसाले घालून बनवलेलं धिरड चवीला हलकं, पौष्टिक आणि पचायला सोपं असतं. पूर्वीच्या काळी शेतामध्ये कामाला जाणाऱ्या माणसांचा झटपट नाश्ता म्हणून धिरड प्रचलित होता. आजही सकाळचा नाश्ता, संध्याकाळची भूक भागवण्यासाठी किंवा उपासाच्या वेळीही धिरड बनवतात.

सकाळच्या नाश्त्यासाठी १० मिनिटांमध्ये बनवा चीज ब्रेड ऑम्लेट, नोट करून घ्या हेल्दी रेसिपी

सकाळच्या घाईगडबडीत गृहिणींना नाश्त्याला नवं काय बनवावं असा प्रश्न पडतो. हा प्रश्न सामान्य असला तरी याच उत्तर मात्र पटकन मिळत नाही कारण घरातील प्रत्येकालाच रोज काहीतरी चविष्ट खायचं असतं आणि गृहिणी झटपट तयार होण्याच्या रेसिपीच्या शोधात असतात अशात आजची धिरड्याची रेसिपी तुमच्यासाठी एक परफेक्ट पर्याय आहे. ही पटकन बनते आणि चवीलाही छान लागते. चला तर मग लगेच जाणून घेऊया यासाठी लागणारे साहित्य आणि कृती.

साहित्य

• गव्हाचं पीठ – १ कप
• रवा – १/२ कप
• ताक – ½ कप (नसल्यास पाणी)
• हिरवी मिरची – १ (बारीक चिरलेली)
• कांदा – १ (बारीक चिरलेला, ऐच्छिक)
• हळद – ¼ टीस्पून
• तिखट – ½ टीस्पून
• मीठ – चवीनुसार
• तेल / तूप – भाजण्यासाठी

झटपट तयार होणारा टेस्टी नाश्ता, घरी बनवून पहा मऊ अन् गोडसर फ्रेंच टोस्ट; अवघ्या १० मिनिटांची रेसिपी!

कृती

• यासाठी सर्वप्रथम एका भांड्यात गव्हाचं पीठ आणि रवा एकत्र करून घ्या.
• त्यानंतर त्यात मीठ, तिखट, हळद, हिरवी मिरची आणि कांदा घाला.
• ताक (किंवा पाणी) घालून घट्टसर मिश्रण (घोळ) तयार करा.
• तवा गरम करून त्यावर थोडं तेल पसरवा.
• तव्यावर पळीभर मिश्रण पसरून छान धिरड तयार करा.
• झाकण ठेऊन दोन्ही बाजूंनी सोनेरी रंग येईपर्यंत याला भाजा आणि मग एका प्लेटमध्ये काढून घ्या.
• गरमागरम धिरड लोणी, तूप किंवा चटणीसोबत सर्व्ह करा.
• हे धिरड पोषणमूल्यांनी भरलेलं असून झटपट होणारं आहे.
• मुलांच्या डब्यात किंवा नाश्त्यासाठी हा एक उत्तम पर्याय आहे.

Web Title: Make nutritious and quick to prepare delicious dhirde from wheat flour note down the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com