Recipe : शरीरासाठी आवश्यक आहे प्रोटीन, घरी बनवा टेस्टी आणि पोटभरणीचा ‘पनीर रॅप’
Paneer Wrap Recipe : पनीर, भाज्या आणि साॅसेसना एकत्र करुन तयार केलेला पनीर रॅप चवीला फारच अप्रतिम लागतो. यात प्रोटीनचा उत्तम साठा असल्याने आरोग्यासाठीही याचे सेवन फायद्याचे ठरते.
नाश्त्यामध्ये प्रोटीनयुक्त आहार घेण्याचा सल्ला नेहमीच दिला जातो. प्रोटीन शरीरासाठी अत्यंत महत्त्वाचे असून ते स्नायू मजबूत ठेवण्यास, ऊर्जा देण्यास आणि पोट भरल्यासारखे वाटण्यास मदत करते. पण रोज एकाच प्रकारचा प्रोटीन आहार खाल्ल्याने कंटाळा येऊ शकतो. अशा वेळी घरच्या घरी सहज बनणारा चविष्ट पनीर रॅप हा उत्तम पर्याय ठरू शकतो. ही रेसिपी मागील काही काळापासून सोशल मीडियावर खूप लोकप्रिय होत आहे. अशात आपणही एकदा घरी ही रेसिपीनक्की ट्राय करा. हा रॅप तुम्ही नाश्त्यासाठी किंवा ऑफिसच्या डब्यातही घेऊन जाऊ शकता.
सर्वप्रथम मिक्सरमध्ये पनीर, अंडी, लसूण पावडर आणि ओरिगॅनो घालून चांगले ब्लेंड करून घ्या. यामुळे एकसारखा आणि घट्ट बॅटर तयार होईल.
यानंतर बेकिंग ट्रे घ्या आणि त्यावर पार्चमेंट पेपर लावा. त्यावर थोडे बटर लावून तयार केलेले मिश्रण गोल आकारात पसरवा, जसे आपण चिल्ला करताना पसरवतो.
ओव्हन 180 अंशांवर प्रीहीट करा आणि ट्रे त्यात ठेवून सुमारे 15 मिनिटे बेक करा. मिश्रण हलके सोनेरी रंगाचे झाले की ते बाहेर काढा आणि थंड होऊ द्या. थंड झाल्यावर बेस सहजपणे पेपरपासून वेगळा होईल. तुमचा लो-कार्ब प्रोटीन रॅप बेस तयार आहे.
आता या बेसवर ग्रीक योगर्ट, चिली सॉस किंवा हिरवी चटणी लावा. त्यावर लेट्यूस, टोमॅटो, कांदा, काकडी, पालक आणि शिमला मिरची यांसारख्या भाज्या ठेवा. आवडीनुसार पनीर किंवा चिकनचे तुकडेही घालू शकता.
शेवटी थोडा लिंबाचा रस आणि चाट मसाला भुरभुरा. रॅप व्यवस्थित गुंडाळून दोन भागात कापा आणि सर्व्ह करा.
जर तुम्ही अंडी खात नसाल, तर पनीरसोबत बेसन किंवा ओट्स वापरूनही हा रॅप तयार करू शकता.
Web Title: Know how to make paneer wrap at home recipe in marathi
.png "Videos"){kind=small}
