Recipe : लहान मुलं सारखी पिझ्झाचा हट्ट करतायेत? मग विकतचा नको, घरीच बनवा हेल्दी ‘रव्याचा पिझ्झा’

Rava Pizza Recipe : रव्याचा हा पिझ्झा चविष्ट तर आहेच, पण आरोग्यासाठीही चांगला आहे. नाश्ता, टिफिन किंवा संध्याकाळच्या स्नॅक्ससाठी हा एक उत्तम पर्याय ठरू शकतो.

(फोटो सौजन्य: Pinterest)

Follow Us:

Follow Us:

• पिझ्झा हा एक असा पदार्थ आहे जो लहानांपासून मोठ्यांपर्यंत सर्वांनाच खायला फार आवडतो.
• पिझ्झा मैद्यापासून बनवला जातो ज्यामुळे याचे सेवन आपल्या आरोग्यासाठी चांगले ठरत नाही.
• पिझ्झा खायची फार क्रेव्हिंग होत असल्यास तुम्ही घरीच रव्याचा टेस्टी पिझ्झा बनवून खाऊ शकता.

Summer Drink : उष्मघातापासून करा स्वतःचे संरक्षण, उन्हाळ्यात घरी बनवा थंडगार ‘मोजिटो’

रव्यापासून बनवलेला पिझ्झा हा त्यासाठी उत्तम पर्याय आहे. रवा पचायला हलकी असते आणि त्यामध्ये भाज्या घातल्यामुळे हा पदार्थ अधिक पौष्टिक बनतो. विशेष म्हणजे हा पिझ्झा बनवण्यासाठी ओव्हनची गरज नसते. फक्त तव्यावरही तुम्ही सहज आणि झटपट हा स्वादिष्ट पिझ्झा तयार करू शकता. कमी वेळात काहीतरी वेगळे आणि चविष्ट बनवायचे असल्यास ही रेसिपी नक्की करून पाहा.

साहित्य

बेससाठी

• 1 कप रवा
• 1/2 कप दही
• मीठ चवीनुसार
• 1/2 टीस्पून ईनो किंवा बेकिंग सोडा

• चिरलेली शिमला मिरची
• कांदा
• स्वीट कॉर्न
• टोमॅटो
• पनीरचे तुकडे

• पिझ्झा सॉस किंवा टोमॅटो केचप
• मोझरेला चीज
• चिली फ्लेक्स
• ऑरिगेनो

कृती

• सर्वप्रथम एका भांड्यात रवा आणि दही एकत्र घ्या. त्यात थोडे पाणी घालून घट्टसर मिश्रण तयार करा. हे मिश्रण 15–20 मिनिटे झाकून ठेवा, जेणेकरून रवा चांगला फुलेल.
• तयार मिश्रणात ईनो किंवा बेकिंग सोडा आणि थोडे मीठ घालून हलक्या हाताने मिसळा. नॉन-स्टिक तवा गरम करून त्यावर थोडे तेल लावा. नंतर बॅटर तव्यावर ओतून थोडे जाडसर पसरवा.
• तव्यावर झाकण ठेवून मंद आचेवर 2–3 मिनिटे शेकून घ्या. खालची बाजू सोनेरी आणि कुरकुरीत झाली की पुढच्या स्टेपसाठी तयार आहे.
• आता बेस उलटा करून आच कमी करा. शिजलेल्या बाजूवर पिझ्झा सॉस पसरवा. त्यावर शिमला मिरची,
• कांदा, टोमॅटो, स्वीट कॉर्न आणि पनीर घाला. शेवटी मोझरेला चीज टाका.
• तव्यावर झाकण ठेवून 4–5 मिनिटे मंद आचेवर ठेवा, जोपर्यंत चीज छान वितळत नाही.
• वरून चिली फ्लेक्स आणि ऑरिगेनो टाका. गरमागरम हेल्दी रव्याचा पिझ्झा तयार आहे.
• बॅटर फार पातळ करू नका, नाहीतर बेस नीट तयार होणार नाही.
• भाज्या बारीक चिरा, त्यामुळे त्या लवकर शिजतील.
• अधिक हेल्दी पर्यायासाठी चीजचे प्रमाण कमी ठेवू शकता.

Web Title: Make healthy and tasty rava pizza at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com