काही भेडसावणारे प्रश्न-
1) केळ्यांवर केमिकल्सचा मारा असतो, मग कसे खाणार?
आपल्या आसपास जी केळी होतात. त्या केळ्यांचे सेवन केल्यास ह्या समस्येवर मात करणे शक्य आहे. उदा. वेलची केळी, राजेळी केळी, हिरव्या सालीची केळी. तेव्हा आपल्या नेहमीच्या फळवाल्याला हिरव्या सालीची केळी आणायला प्रोत्साहित करा.
2) केळ खाल्ल्याने वजन वाढतं ?
आपल्या शरीराला कॅलरीज म्हणजे ऊर्जेची गरज सतत असते. ही ऊर्जा जेव्हा आपल्याला आपल्या आसपास पिकत असलेल्या फळांमधून मिळते. तेव्हा ह्या ऊर्जेचा शरीर पूर्णपणे व उत्तमरित्या उपयोग करते. आणि चरबीत रूपांतर होऊ देत नाही. आपल्या आसपास ऋतुमानानुसार मिळणारी फळे- केळं, आंबा, चिकू, पेरू, द्राक्षं, सीताफळ, फणस इ.
3) आपण दिवसभरात किती केळी खाऊ शकतो?
ह्या प्रश्नाचे खरे उत्तर फक्त आपले पोटच आपल्याला देऊ शकते. दिवसाची सुरुवात तर केळ्याने कराच. पण केळं दिवसभरात कधीही खाता येतात. भूक लागलेली असतांना वेळेच्या अभावी फक्त चहा + बिस्किट खाणं किंवा नुसता चहा पिणं किंवा रिकाम्या पोटी काम करणं या ऐवजी केळं खाल्लं तर डोकेदुखी, ॲसिडिटी, अपचन ह्या समस्यांवर नक्की मात करता येते.
