हेअर स्टाईल करून कोरडे झालेले केस पुन्हा चमकदार करण्यासाठी माधुरी दीक्षितने सांगितले सोपे उपाय, केस होतील सुंदर

केसांवर हीटिंग टूल्स, स्प्रे इत्यादी अनेक गोष्टींचा वापर वारंवार केल्यामुळे केस खराब होण्याची शक्यता असते. यामुळे केस रुक्ष होणे, केस कोरडे होणे इत्यादी अनेक समस्या उद्भवू लागतात. वारंवार केसांवर कोणत्याही हीटिंग टूल्सचा वापर केल्यामुळे केसांची गुणवत्ता आणि केसांची पोत पूर्णपणे खराब होऊन जाते. केसांची गुणवत्ता बिघडल्यानंतर ती सुधारण्यासाठी महिला वारंवार काहींना काही उपाय करतात. त्यामुळे आज आम्ही तुम्हाला केसांची गुणवत्ता सुधारण्यासाठी माधुरी दीक्षितने सांगितलेले काही घरगुती उपाय सांगणार आहोत. हे उपाय केल्यामुळे केसांची गुणवत्ता सुधारेल आणि केस मऊ होतील.

केसांची गुणवत्ता सुधारण्यासाठी ‘या’ हेअर मास्कचा करा वापर:

साहित्य:

• केळ
• दही
• मध

कृती:

• केसांची खराब झालेली गुणवत्ता सुधारण्यासाठी सर्वप्रथम, पिकलेल्या केळ्याची साल काढून वाटीमध्ये केळ व्यवस्थित मॅश करून घ्या.
• त्यानंतर त्यात दही आणि अर्धा चमचा मध टाकून मिक्स करा. जाडसर पेस्ट तयार झाल्यानंतर केसांचा मास्क लावण्याआधी केस व्यवस्थित विंचरून घ्या.
• त्यानंतर केसांच्या मुळांपासून ते टोकांपर्यंत सगळीकडे हेअरमास्क व्यवस्थित लावून घ्या.
• त्यानंतर 30 मिनिटं हेअर मास्क केसांवर तसाच राहून घ्या. यामुळे केसांना पोषण मिळेल आणि केस चमकदार दिसू लागतील.
• 30 मिनिटं झाल्यानंतर केस शॅम्पूच्या सहाय्याने स्वच्छ धुवून घ्या. आठवड्यातून एकदा किंवा दोनदा या हेअर मास्कचा वापर तुम्ही केसांची खराब झालेली गुणवत्ता सुधारण्यासाठी करू शकता.

केसांच्या वाढीसाठी बाजारात उपलब्ध असलेले केमिकल प्रॉडक्ट किंवा वेगवेगळ्या ट्रीटमेंट करून घेण्याऐवजी घरगुती उपाय करावे. घरगुती उपाय केल्यामुळे केसांची गुणवत्ता सुधारते. याशिवाय नैसर्गिक गुणधर्मांनी समृद्ध असलेल्या पदार्थांचा वापर केसांसाठी केल्यास केस अतिशय सुंदर आणि चमकदार होतील. दह्याच्या वापरामुळे केस सॉफ्ट होऊन केसांमधील कोड कमी होईल. तसेच केसांसाठी नियमित हीटिंग टूल्स वापरू नये.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या