हिवाळ्यामध्ये शरीराची कमी झालेली रोगप्रतिकारशक्ती वाढवण्यासाठी बाजरीच्या पीठाचे बनवा पौष्टिक लाडू

थंडीच्या दिवसांमध्ये हाडांचे दुखणे वाढू लागते. अशावेळी आहारात पौष्टिक आणि पचनास हलक्या असलेल्या पदार्थांचे सेवन करावे. त्यामुळे आज आम्ही तुम्हाला बाजरीच्या पिठाचे पौष्टिक लाडू बनवण्याची सोपी रेसिपी सांगणार आहोत.

थंडीच्या दिवसांमध्ये शरीराला उष्णतेची आवश्यकता असते. कारण या दिवसांमध्ये शरीराची रोगप्रतिकारशक्ती कमी होऊन जाते. कमी झालेली रोगप्रतिकारशक्ती सुधारण्यासाठी आहारात पौष्टिक पदार्थांचे सेवन करावे. सर्दी, खोकला, ताप इत्यादी आजार वाढू लागल्यानंतर शरीरात अशक्तपणा आणि थकवा जाणवू लागतो. अशावेळी शरीराची कमी झालेली रोगप्रतिकारशक्ती वाढवण्यासाठी आहारात पौष्टिक लाडूचे सेवन करावे. आज आम्ही तुम्हाला सोप्या पद्धतीमध्ये बाजरीच्या पिठाचे लाडू बनवण्याची सोपी रेसिपी सांगणार आहोत. बाजरी आरोग्यासाठी अतिशय फायदेशीर आहे. बाजरीचे सेवन केल्यामुळे शरीरातील थकवा अशक्तपणा कमी होऊन जातो. चला तर जाणून घेऊया बाजरीचे लाडू बनवण्याची सोपी रेसिपी.(फोटो सौजन्य – iStock)

नवनवीन बातम्यांसाठी इथे क्लिक करा

साहित्य:

• बाजरीचे पीठ
• गूळ
• वेलची पावडर
• काजू, बदाम तुकडे
• तूप

नवनवीन बातम्यांसाठी इथे क्लिक करा

कृती:

• बाजरीच्या पिठाचे लाडू बनवण्यासाठी, सर्वप्रथम कढईमध्ये तूप टाकून गरम करून घ्या. त्यानंतर त्यात बाजरीचे पीठ टाकून ते व्यवस्थित लालसर होईपर्यंत भाजा.
• त्यानंतर भाजून घेतलेल्या पीठ बाजूला काढून त्याच कढईमध्ये तूप टाकून गूळ व्यवस्थित पातळ करून घ्या.
• गूळ वितळल्यानंतर त्यात भाजून घेतलेले बाजरीचे पीठ घालून मिक्स करा. नंतर त्यात वेलची पावडर आणि काजू, बदाम तुकडे टाकून मिक्स करा.
• तयार केलेले पिठाच्या तुमच्या आवडीनुसार लाडू बनवून सर्व्ह करा. तयार आहेत बाजरीचे लाडू.