शिरा खाऊन कंटाळा आला असेल तर सोप्या पद्धतीमध्ये घरी बनवा चविष्ट पपईचा हलवा, नोट करून घ्या गोड रेसिपी

लहान मुलांपासून ते अगदी मोठ्यांपर्यंत सगळ्यांचं पपई खायला खूप जास्त आवडतो. म्हणूनच आज आम्ही तुम्हाला पपई हलवा बनवण्याची सोपी रेसिपी सांगणार आहोत. चला तर जाणून घेऊया पदार्थ.

श्रावण महिन्यात घरामध्ये अनेक गोडाचे पदार्थ बनवले जातात. शिरा, शेवयांची खीर, गुलाबजाम, रसगुल्ला किंवा साबुदाणा खीर खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही पपईचा हलवा बनवू शकता. श्रावण महिन्यात सर्वच घरांमध्ये पूजा, व्रत आणि धार्मिक पूजांचे आयोजन केले जाते. पूजेच्या प्रसादात कायमच शिरा बनवला जातो. मात्र नेहमीच शिरा खाऊन कंटाळा आल्यानंतर तुम्ही पपईपासून झटपट हलवा बनवू शकता. मधुमेह किंवा आरोग्यासंबंधित गंभीर आजाराने त्रस्त असलेले रुग्ण जास्त गोड पदार्थ खाणे टाळतात. पण तुम्ही पपईच्या हलव्याचे सेवन करू शकता. कारण पपईचा नैसर्गिक गोडवा पदार्थाची चव वाढवण्यास मदत करतो. चला तर जाणून घेऊया पपई हलवा बनवण्याची सोपी रेसिपी.(फोटो सौजन्य: Pinterest)

Krishna Janmashtami 2025 : कृष्ण जन्माष्टमीनिमित्त घरी बनवा पंजिरी आणि पंचामृताचा खास नैवेद्य; नोट करा पारंपरिक रेसिपी

साहित्य:

• पपई
• साखर
• तूप
• सुका मेवा
• वेलची पावडर
• मनुका
• दूध

सकाळ होईल आणखीनच स्पेशल! थंडगार वातावरणात झटपट घरी बनवा राजवाडी गरमागरम चहा, नोट करून घ्या रेसिपी

कृती:

• पपई हलवा बनवण्यासाठी सर्वप्रथम, पपई स्वच्छ पाण्याने धुवून घ्या. त्यानंतर पपईची साल काढून बारीक तुकडे करा.
• मिक्सरच्या भांड्यात पपईचे तुकडे टाकून पेस्ट तयार करा. पेस्ट तयार करताना पपईमध्ये अजिबात पाणी टाकू नये.
• कढईमध्ये तूप गरम करून त्यात सुका मेवा हलकासा लाल होईपर्यंत भाजा. त्यानंतर त्यात पेस्ट करून घेतलेला पपई टाकून खमंग भाजून घ्या.
• पपईला तूप सुटेपर्यंत पपई व्यवस्थित भाजून घ्या. त्यानंतर त्यात दूध घालून सतत चमच्याने मिक्स करत राहा.
• दूध आटल्यानंतर त्यात वेलची पावडर, जायफळ पावडर आणि आवश्यकतेनुसार साखर टाकून मिक्स करा.
• सगळ्यात शेवटी हलवा व्यवस्थित शिजल्यानंतर त्यात भाजून घेतलेला सुका मेवा टाकून मिक्स करून घ्या.
• तयार आहे सोप्या पद्धतीमध्ये बनवलेला पपईचा हलवा. हा पदार्थ घरातील सगळ्यांचं नक्की आवडेल.