गणपती उत्सवात मोदकांसोबत बनवा चविष्ट निवगऱ्या, नोट करून घ्या कोकणातील अस्सल पारंपरिक रेसिपी

गणपती उत्सवात कोकणामध्ये अनेक वेगवेगळे पारंपरिक पदार्थ बनवले जातात. त्यातील सगळ्यांचं आवडणारा पदार्थ म्हणजे निवगऱ्या. हा पदार्थ तांदळाच्या उकडपासून बनवला जातो. चला तर जाणून घेऊया रेसिपी.

गणपती बाप्पाच्या आगमनासाठी अवघे काही दिवस शिल्लक राहिले आहेत. संपूर्ण देशभरात मोठ्या आनंद आणि जलौषात गणपती उत्सव साजरा केला जातो. गणपतीच्या सात दिवसांमध्ये कोकणात मोठ्या संख्येने चाकरमानी दाखल होतात. गणपती बाप्पाचे आगमन झाल्यानंतर घरोघरी पारंपरिक पदार्थ बनवले जातात. त्यात बाप्पाच्या आवडीचा पदार्थ म्हणजे मोदक, गणपती बाप्पाला उकडीच्या मोदकांचा नैवेद्य दाखवला जातो. मोदकांसोबतच अनेक पारंपरिक पदार्थ सुद्धा बनवले जातात. या पदार्थांची चव अतिशय सुंदर लागते. म्हणूनच आज आम्ही तुम्हाला तांदळाच्या पिठाचा वापर करून पारंपरिक पद्धतीमध्ये निवगऱ्या बनवण्याची सोपी रेसिपी सांगणार आहोत.तांदळाची उकड तयार करून बनवलेला पारंपरिक पदार्थ सगळ्यांचं खूप आवडतो. चला तर जाणून घेऊया पारंपरिक पद्धतीमध्ये निवगऱ्या बनवण्याची सोपी रेसिपी.

पावसाच्या थंड वातावरणात घरी नक्की बनवा चायनीज स्टाईल गरमा गरम मंचाव सूप; चवीसह पौष्टिकतेचा संगम!

साहित्य:

• तांदळाचे पीठ
• जिरं
• कोथिंबीर
• मीठ
• तेल
• जिऱ्याची पावडर
• हिरवी मिरची

श्रावणी सोमवार स्पेशल : उपवास आहे तर घरी बनवा गोडसर अन् सर्वांच्या आवडीची साबुदाण्याची खीर, चवीसह पचायलाही आहे हलकी

कृती:

• निवगऱ्या बनवण्यासाठी सर्वप्रथम, कढईमध्ये पाणी गरम करण्यासाठी ठेवा. पाण्याला उकळी आल्यानंतर त्यात चवीनुसार मीठ, थोडस तेल आणि वाटीभर तांदळाचे पीठ टाकून मिक्स करा आणि तांदळाच्या पिठाला एक वाफ काढून घ्या.
• तयार करून घेतलेली तांदळाची उकड मोठ्या ताटात काढून हाताने मिक्स करा. नंतर त्यात जिरं, हिरव्या मिरचीची पेस्ट आणि कोथिंबीर टाकून व्यवस्थित मळून घ्या.
• सगळ्यात जिरं टाकून व्यवस्थित मिक्स करा. हाताला तेल लावून तांदळाच्या पिठाचे छोटे छोटे गोळे करून लाट्या करतात, त्या पद्धतीने निवगऱ्या बनवून घ्या.
• चाळणीला तेल लावून तयार केलेल्या निवगऱ्या वाफेवर २० मिनिट मंद आचेवर वाफवून घ्या. या निवगऱ्या दही किंवा हिरव्या मिरच्या ठेच्यासोबत सुंदर लागतात.
• तयार आहेत सोप्या पद्धतीमध्ये बनवलेल्या निवगऱ्या.