डोळ्यांचे आरोग्य सुधारण्यासाठी सकाळच्या नाश्त्यात झटपट बनवा पौष्टिक गाजर सूप, नोट करून घ्या रेसिपी

गाजर खाणे आरोग्यासाठी अतिशय पौष्टिक आहे. यामध्ये असलेले गुणकारी घटक डोळ्यांचे आरोग्य सुधारण्यास मदत करतात. चला तर जाणून घेऊया सोप्या पद्धतीमध्ये गाजर सूप बनवण्याची रेसिपी.

कोरोना नंतरच्या काळात सर्वच गोष्टी डिजिटल झाल्या आहेत. यामुळे मोबाईल फोन, कम्प्युटर, लॅपटॉप इत्यादी अनेक गोष्टींचा मोठ्या प्रमाणावर वापर केला जात आहे. वारंवार मोबाईल वापरल्यामुळे डोळ्यांच्या आरोग्यावर गंभीर परिणाम होण्याची शक्यता असते. डोळे लाल होणे, डोळ्यांमधून पाणी येणे, डोळे खुपणे किंवा डोळ्यांसंबंधित अनेक समस्या उद्भवू लागतात. अशावेळी तुम्ही रोजच्या आहारात गाजरचे सेवन करू शकता. गाजर खाणे आरोग्यासाठी अतिशय पौष्टिक आहे. यामध्ये आढळून येणारे घटक आरोग्यासह डोळ्यांसाठी सुद्धा प्रभावी ठरतात. त्यामुळे रोजच्या आहारात नियमित गाजर, काकडी इत्यादी कच्च्या भाज्यांचे सेवन करावे. पण लहान मुलांसह मोठ्यांना गाजर खायला आवडत नाही. अशावेळी तुम्ही मुलांसाठी गाजर सूप बनवू शकता. म्हणूनच आज आम्ही तुम्हाला सोप्या पद्धतीमध्ये सकाळच्या नाश्त्यासाठी गाजर सूप बनवण्याची रेसिपी सांगणार आहोत. चला तर जाणून घेऊया गाजर सूप बनवण्याची रेसिपी.(फोटो सौजन्य – iStock)

१० मिनिटांमध्ये सकाळच्या नाश्त्यात ‘या’ पद्धतीने बनवा बटाट्याचा किस, नोट करून घ्या रेसिपी

साहित्य:

• गाजर
• कांदा
• काळीमिरी
• तेल
• मीठ
• आलं
• लसूण
• हिरवी मिरची

सर्दी खोकला होईल कमी! पावसाळ्यात झटपट घरी बनवा क्रिम गार्लिक मशरूम सूप, नोट करून घ्या रेसिपी

कृती:

• गाजर सूप बनवण्यासाठी सर्वप्रथम, गाजर स्वच्छ धुवून गाजराची साल काढून घ्या. त्यानंतर त्याचे बारीक तुकडे करा.
• कढईमध्ये तेल गरम करून त्यात लसूण, आलं, हिरवी मिरची, कांदा आणि गाजरचे तुकडे घालून शिजवून घ्या.
• शिजवून घेतलेल्या भाज्या थंड करून मिक्सरच्या भांड्यात टाकून बारीक पेस्ट तयार करा.
• तयार केलेली पेस्ट टोपात ओतून त्यात आवश्यकतेनुसार पाणी घालून व्यवस्थित उकळवून घ्या. नंतर त्यात चवीनुसार मीठ आणि काळीमिरी पावडर टाकून उकळवून घ्या.
• तयार आहे सोप्या पद्धतीमध्ये बनवलेले गाजर सूप. हे सूप चवीला अतिशय सुंदर लागते.