रविवार होईल आणखीनच मज्जेदार! सकाळच्या नाश्त्यात झटपट बनवा पौष्टिक पनीर सँडविच, लहान मुलांसह मोठ्यांही आवडेल

सकाळच्या नाश्त्यात नेहमीच ठराविक तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये घरी पनीर सँडविच बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

रविवार म्हंटल की सुट्टीचा दिवस. सुट्टीच्या दिवशी घरात सगळेच सदस्य असतात. त्यामुळे सकाळच्या नाश्त्यात नेहमीच काय बनवावं? हा प्रश्न बऱ्याचदा सर्वच महिलांना पडतो. नाश्त्यात नेहमीच कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. नाश्त्यात बाहेरील तिखट किंवा तेलकट पदार्थांचे सेवन केल्यामुळे शरीरात ऍसिडिटी वाढू लागते. शरीरात वाढलेल्या ऍसिडिटीमुळे उलट्या, मळमळ किंवा इतरही समस्या उद्भवू लागतात. त्यामुळे आज आम्ही तुम्हाला सकाळच्या नाश्त्यासाठी झटपट पौष्टिक पनीर सँडविच बनवण्याची सोपी रेसिपी सांगणार आहोत. पनीर खाणे आरोग्यासाठी अतिशय चांगले आहे. यामध्ये असलेले घटक शरीरासाठी फायदेशीर ठरतात. वाढलेले वजन नियंत्रणात ठेवण्यासाठी इतर कोणत्याही पदार्थाचे सेवन करण्याऐवजी नाश्त्यात पनीर सँडविचचे सेवन करावे. चला तर जाणून घेऊया पौष्टिक पनीर सँडविच बनवण्याची सोपी रेसिपी.(फोटो सौजन्य – istock)

श्रावण महिन्यातील उपवासाला सकाळच्या नाश्त्यात बनवा कुरकुरीत मेदू वडे, दह्याच्या चटणीसोबत लागतील सुंदर

साहित्य:

• पनीर
• कांदा
• टोमॅटो
• शिमला मिरची
• टोमॅटो सॉस
• मीठ
• ब्रेड
• गाजर
• काळीमिरी पावडर
• चीज
• बटर

विकतची मिठाई आणण्यापेक्षा ब्रेडचा वापर करून झटपट बनवा मऊमऊ-रवाळ कलाकंद, नोट करून घ्या रेसिपी

कृती:

• पनीर सँडविच बनवण्यासाठी सर्वप्रथम, मोठ्या वाटीमध्ये बारीक चिरलेला कांदा, टोमॅटो, शिमला मिरची घेऊन मिक्स करा.
• नंतर त्यात उकडलेले मक्याचे दाणे टाकून व्यवस्थित मिक्स करून घ्या.
• सँडविचची चव वाढवण्यासाठी त्यात काळीमिरी पावडर, चवीनुसार मीठ आणि ओरिगॅनो टाकून व्यवस्थित मिक्स करून घ्या.
• ब्रेडच्या स्लाइसवर टोमॅटो सॉस आणि हिरवी चटणी लावून पसरवून घ्या. त्यानंतर वरून तयार केलेले मिश्रण ठेवून पनीरचे बारीक बारीक तुकडे ठेवून तुमच्या आवडीनुसार काळीमिरी पावडर पसरवून घ्या.
• त्यानंतर त्यावर किसलेले चीज घालून टोमॅटो सॉस लावलेले ब्रेड स्लाइस ठेवा.
• गरम तव्यावर बटर टाकून तयार केलेले सँडविच भाजण्यासाठी ठेवा. दोन्ही बाजूने व्यवस्थित भाजून झाल्यानंतर सँडविचचे दोन तुकडे करा.
• तयार आहे सोप्या पद्धतीमध्ये बनवलेले पौष्टिक पनीर सँडविच.हा पदार्थ घरातील सगळ्यांचं खूप जास्त आवडेल.