काही हटके खायचंय? मग घरी बनवा गुजराती स्टाईल ‘बाजरा वडा’, चवीलाच भारी नाही तर आरोग्यासाठीही ठरते फायदेशीर

Bajri Vada Recipe : बाजरी वडा हा खरंतर अधिकतर हिवाळ्यात बनला जाणारा पदार्थ आहे. पण स्नॅक्ससाठीही तुम्ही हा पदार्थ सहज घरी बनवून खाऊ शकता. याची चव लहानांपासून मोठ्यांपर्यंत सर्वांनाच आवडेल.

• बाजरी वडा हा गुजरातमध्ये बनणारा लोकप्रिय पदार्थ आहे.
• याची खमंग चव सर्वांनाच खुश करते.
• चला बाजरी वडा घरी बनवण्याची रेसिपी जाणून घेऊया.

तेच तेच खाऊन कंटाळा आला असेल आणि काही नवीन बनवून पाहायचं असेल तर गुजराती पद्धतीचे बाजरी वडा हा एक उत्तम पर्याय ठरतो. बाजरी हे पौष्टिक धान्य असून त्यामध्ये फायबर, आयर्न आणि अनेक आवश्यक पोषक घटक भरपूर प्रमाणात असतात. त्यामुळे हा पदार्थ फक्त चवीसाठी नाही तर आरोग्यासाठीही फायदेशीर मानला जातो. गुजरातमध्ये पारंपरिक पद्धतीने बनवले जाणारे हे वडा बाहेरून कुरकुरीत आणि आतून मऊ असतात.

Recipe : गावराण पद्धतीत घरी बनवा झणझणीत आणि मसालेदार ‘भरलेलं वांग’, सुगंधानेच तोंडात येईल पाणी

बाजरीचे वडा बनवताना त्यामध्ये आले, हिरवी मिरची, लसूण आणि मसाल्यांचा वापर केला जातो, त्यामुळे साध्या बाजरीलाही एक वेगळी आणि झणझणीत चव मिळते. हे वडा सकाळच्या नाश्त्यासाठी, संध्याकाळच्या स्नॅक्ससाठी किंवा थंडीत खास पाहुणचारासाठीही उत्तम मानले जावो. घरच्या घरी कमी साहित्यामध्ये तयार होणारी ही रेसिपी एकदा केली की पुन्हा पुन्हा खावीशी वाटते.

साहित्य

• 2 कप बाजरीचं पीठ
• 2 हिरव्या मिरच्यांची पेस्ट
• 1 चमचा आले-लसूण पेस्ट
• अर्धा चमचा हळद
• 1 चमचा लाल तिखट
• अर्धा चमचा जिरे
• बारीक चिरलेली कोथिंबीर
• मीठ चवीनुसार
• 1 चमचा तीळ
• तेल तळण्यासाठी
• आवश्यकतेनुसार कोमट पाणी

Recipe : कलिंगडापासून नाही तर या कच्च्या फळापासून तयार करा रंगीबेरंगी सर्वांच्या आवडीची ‘टूटी-फ्रूटी’

कृती

• सर्वप्रथम एका मोठ्या भांड्यात बाजरीचं पीठ घ्या. त्यामध्ये हिरवी मिरची पेस्ट, आले-लसूण पेस्ट, हळद, लाल
• तिखट, जिरे, तीळ, कोथिंबीर आणि मीठ घालून सर्व साहित्य एकत्र मिसळा.
• यानंतर थोडं थोडं कोमट पाणी घालत घट्टसर पीठ मळून घ्या. पीठ जास्त सैल होणार नाही याची काळजी घ्या.
• तयार पीठ काही मिनिटं झाकून ठेवा, त्यामुळे वडा अधिक मऊ होतात.
• आता हाताला थोडंसं तेल लावून लहान लहान गोळे तयार करा आणि हलक्या हाताने वडा थापून घ्या. दरम्यान
• कढईमध्ये तेल गरम करण्यासाठी ठेवा.
• तेल मध्यम गरम झाल्यावर तयार वडा सावकाश तेलात सोडा. वडा दोन्ही बाजूंनी सोनेरी आणि कुरकुरीत
• होईपर्यंत तळून घ्या. गॅस मध्यम आचेवर ठेवल्यास वडा आतून व्यवस्थित शिजतात.
• तयार गुजराती बाजरी वडा टिश्यू पेपरवर काढा जेणेकरून अतिरिक्त तेल निघून जाईल. हे वडा हिरवी चटणी, दही
• किंवा गरम चहासोबत सर्व्ह करा. थंड वातावरणात हा गरमागरम पदार्थ खाण्याची मजा काही वेगळीच असते.