Recipe : गावराण पद्धतीत घरी बनवा झणझणीत आणि मसालेदार ‘भरलेलं वांग’, सुगंधानेच तोंडात येईल पाणी

Maharashtrian Dish : महाराष्ट्रीयन खाद्यसंस्कृतीत भरलेल्या वांग्याला विशेष स्थान... त्यातही तुम्ही जर घरी गावरान पद्धतीत ही रेसिपी ट्राय केलीत तर आम्हाला खात्री आहे की, तुम्ही बोटं चाटल्याशिवाय राहणार नाहीत. लगेच नोट करा

(फोटो सौजन्य: Pinterest)

Follow Us:

Follow Us:

• महाराष्ट्रीयन खाद्यसंस्कृतीत तुम्हाला अनेक रुचकर पदार्थांची यादी मिळेल.
• भरलेलं वांग देखील त्यातीलच एक लोकप्रिय पदार्थ.
• तुम्हाला वांग खायला आवडत नसेल तर एकदा ही रेसिपी नक्की ट्राय करा.

कमी साहित्यामध्ये तयार होणारी ही रेसिपी दैनंदिन जेवणासाठी तसेच खास पाहुण्यांसाठीही उत्तम पर्याय ठरते. मसालेदार, थोडंसं तिखट आणि तेलकट रस्सा असलेलं हे भरलेलं वांग भाकरी, पोळी किंवा वरण-भातासोबतही छान लागते. तुम्ही गरमा गरम भात किंवा बाजरी, तांदळाच्या भाकरीसोबत या भाजीला खायला सर्व्ह करु शकता.

Recipe : लिंबाच्या सालीला फेकू नका, घरीच बनवा मसालेदार आणि चटकदार चवीच लोणचं, काही मिनिटांची रेसिपी

साहित्य

• 8-10 लहान जांभळी वांगी
• 2 मोठे कांदे बारीक चिरलेले
• 1/2 कप भाजलेले शेंगदाणे
• 1/4 कप सुके खोबरे
• 1 चमचा लाल तिखट
• 1/2 चमचा हळद
• 1 चमचा गोडा मसाला
• 1/2 चमचा गरम मसाला
• 1 चमचा धणे-जिरे पूड
• चिंचेचा छोटा गोळा किंवा 1 चमचा चिंचेचा कोळ
• गूळ चवीनुसार
• मीठ चवीनुसार
• तेल आवश्यकतेनुसार
• कोथिंबीर सजावटीसाठी

कृती

• भाजलेले शेंगदाणे, सुके खोबरे आणि थोडा कांदा मिक्सरमध्ये जाडसर वाटून घ्या. त्यात लाल तिखट, हळद, गोडा
• मसाला, धणे-जिरे पूड, मीठ, गूळ आणि चिंचेचा कोळ मिसळा.
• वांग्याचा देठ तसाच ठेवून त्यांना क्रॉस आकारात चिरा द्या. पूर्ण कापू नका.
• तयार केलेला मसाला प्रत्येक वांग्यामध्ये व्यवस्थित भरा. उरलेला मसाला बाजूला ठेवा.
• कढईत तेल गरम करून त्यात कांदा घाला. कांदा छान सोनेरी होईपर्यंत परता.
• भरलेली वांगी कढईत हलक्या हाताने ठेवा. उरलेला मसाला वरून टाका आणि थोडंसं पाणी घाला.
• झाकण ठेवून 20-25 मिनिटे मंद आचेवर वांगी शिजू द्या. मध्येच हलक्या हाताने कढई हलवा जेणेकरून मसाला खाली लागणार नाही.
• वांगी पूर्ण मऊ झाली की वरून कोथिंबीर घाला. गरमागरम गावरण स्टाईल भरलेलं वांग ज्वारीच्या भाकरीसोबत सर्व्ह करा.

Web Title: Make easy tasty and spicy maharashtrian style bharlelya vangyachi bhaji recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com