हिवाळ्यात घरच्या घरी सोप्या पद्धतीमध्ये बनवा गरमागरम चिकन सूप, सर्दी खोकला होईल गायब

हिवाळ्यात सर्दी, खोकल्यापासून आराम मिळवण्यासाठी घरी सूप बनवले जाते. पण भाज्यांचे सूप खाऊन कंटाळा आल्यानंतर नवीन पदार्थाचा वापर करून बनवलेले सूप खाण्याची इच्छा होते. अशावेळी चिकन सूप बनवून पहा.

थंडीच्या दिवसांमध्ये सगळ्यांचं गरमागरम पदार्थ खाण्याची इच्छा होते. अशावेळी अनेकदा बाहेरून विकत आणलेले पदार्थ खाल्ले जातात. पण सतत बाहरेच्या पदार्थांचे सेवन करण्याऐवजी घरी बनवलेल्या पौष्टिक पदार्थांचे सेवन करावे. हिवाळ्यात सर्वच घरांमध्ये चिकन बनवले जाते. लहान मुलांपासून मोठ्यांपर्यंत सगळ्यांचं चिकन खायला खूप आवडत. चिकनपासून वेगवेगळे पदार्थ बनवले जातात. यामध्ये मोठ्या प्रमाणावर प्रोटीन आणि इतर पोषक घटक आढळून येतात, जे शरीरासाठी अत्यंत महत्वाचे आहेत. हिवाळ्यात सतत होणारी सर्दी आणि खोकला थांबवण्यासाठी चिकन सूपचे सेवन करावे. या सूपचे सेवन केल्यामुळे शरीराला उष्णता मिळते आणि शरीरात ऊर्जा निर्माण होते. कमी झालेली रोगप्रतिकारशक्ती सुधारण्यासाठी चिकनच्या सूपचे सेवन करावे. त्यामुळे आज आम्ही पद्धतीमध्ये चिकन सूप बनवण्याची रेसिपी सांगणार आहोत. हे सूप कमीत कमी साहित्यामध्ये झटपट तयार होते. चला तर जाणून घेऊया रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• चिकन
• आलं लसूण पेस्ट
• हिरव्या मिरच्या
• काळीमिरी पावडर
• तेल किंवा तूप
• मीठ
• कोथिंबीर
• कांदा
• धणे पावडर
• लिंबाचा रस

नवनवीन रेसिपीसाठी इथे क्लिक करा

कृती:

• चिकन सूप बनवण्यासाठी सर्वप्रथम, चिकन बारीक कापून व्यवस्थित पाण्याने धुवून स्वच्छ करून घ्या.
• त्यानंतर टोप गरम करायला ठेवून त्यात तेल टाकून गरम होण्यासाठी ठेवा.
• गरम तेलात बारीक चिरून घेतलेले आलं लसूणचे तुकडे घालून व्यवस्थित मिक्स करून खडा मसाला टाका.
• त्यात बारीक चिरून घेतलेला कांदा टाकून व्यवस्थित लाल होईपर्यंत परतवून घ्या.
• कांदा लाल झाल्यानंतर त्यात धणे पावडर आणि हळद टाकून मिक्स करा.
• स्वच्छ धुवून घेतलेले चिकन टाकून मिक्स करा आणि काळीमिरी पावडर आणि चवीनुसार मीठ टाकून मिक्स करून घ्या.
• चिकनमध्ये तुमच्या आवश्यकतेनुसार पाणी घालून उकळी येण्यासाठी ठेवा. उकळी आल्यानंतर वरून लिंबाचा रस आणि कोथिंबीर टाकून मिक्स करून घ्या.
• तयार आहे सोप्या पद्धतीमध्ये बनवलेले चिकन सूप.