तूप खायला आवडत नाही? मग एक थेंबही तुपाचा वापर न करता बनवा मऊसूत रव्याचा गोड शिरा

वाढलेले वजन आणि आरोग्यासंबंधित इतर काही कारणांमुळे अनेक लोक तुपाचे सेवन करणे टाळतात. त्यामुळे आज आम्ही तुम्हाला एक थेंबही तुपाचा वापर न करता रव्याचा शिरा बनवण्याची सोपी रेसिपी सांगणार आहोत.

तुपाचा वापर न करता बनवा मऊसूत रव्याचा गोड शिरा

Follow Us:

Follow Us:

तुपातला शिरा सगळ्यांचं खूप आवडतो. तूप घालून तयार केलेले पदार्थ आरोग्यासाठी अतिशय पौष्टिक आणि गुणकारी आहेत. तुपाचा वापर रोजच्या आहारात केल्यास पचनक्रिया निरोगी राहते शिवाय त्वचा आणि केसांनाही अनेक फायदे होतात. पण आपल्यातील काहींना तूप खायला आवडत नाही. वाढलेले वजन आणि आरोग्यासंबंधित इतर काही कारणांमुळे अनेक लोक तुपाचे सेवन करणे टाळतात. तुपापासून तयार केलेले कोणतेही पदार्थ खाल्ले जात नाही. त्यामुळे आज आम्ही तुम्हाला एक थेंबही तुपाचा वापर न करता रव्याचा शिरा बनवण्याची सोपी रेसिपी सांगणार आहोत. हा शिरा झटपट आणि कमीत कमी साहित्यामध्ये तयार होतो. शिऱ्यामध्ये वापरले जाणारे सर्वच पदार्थ आरोग्यासाठी अतिशय पौष्टिक आणि गुणकारी आहेत. चला तर जाणून घेऊया एक थेंबही तुपाचा वापर न करता शिरा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• रवा
• साखर
• काजू बदाम
• दूध
• पाणी
• वेलची पावडर
• जायफळ

नवनवीन रेसिपीसाठी इथे क्लिक करा

कृती:

• तुपाचा वापर न करता शिरा बनवण्यासाठी सर्वप्रथम, रवा भाजण्यासाठी कढई गरम करायला ठेवा. त्यानंतर त्यात वाटीभर रवा ओतून व्यवस्थित भाजून घ्या.
• रवा भाजून लालसर झाल्यानंतर त्यात काजू, बदामाचे तुकडे भाजून घ्या.
• भाजून झालेल्या रव्यात गरम करून घेतलेले दूध किंवा पाणी टाकून व्यवस्थित मिक्स करून घ्या.
• नंतर त्यात चवीनुसार साखर टाकून शिरा शिजण्यासाठी ठेवा. शिरा शिजल्यानंतर त्यात वेलची पावडर आणि जायफळ पावडर टाकून मिक्स करून घ्या.
• 2  ते 3  मिनिटं शिरा व्यवस्थित शिजल्यानंतर त्यात केशर दूध टाकून मिक्स करा. एक वाफ आल्यानंतर गॅस बंद करा.
• तयार आहे तुपाचा वापर न करता बनवलेला मऊसूत गोड रव्याचा शिरा.

Web Title: Make soft suji sweet halwa without using even a drop of ghee

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com