Coconut Halwa Recipe: तोंडात टाकताच सहज विरघळेल! तामिळनाडूतील पारंपरिक पद्धतीने बनवा टेस्टी कोकोनट हलवा, नोट करुन घ्या रेसिपी

Coconut Halwa Recipe: सण- उत्सवाच्या दिवसांमध्ये घरात गोडाचे विविध पदार्थ बनवले जातात. त्यामुळे सोप्या पद्धतीमध्ये तुम्ही ओल्या खोबऱ्याचा किस, तूप आणि गूळाचा वापर करुन कोकोनट हलवा बनवू शकता. नोट करा रेसिपी.

Coconut Halwa Recipe: सण- उत्सवाच्या दिवसांमध्ये घरात वेगवेगळे गोडाधोडाचे पदार्थ बनवले जातात. लाडू, खीर, शिरा, गुलाबजाम, रस्सगुला इत्यादी ठराविक पदार्थ बनवले जातात. पण नेहमीच तेच ठराविक पदार्थ बनवण्याऐवजी तामिळनाडूतील पारंपरिक पद्धतीने ‘थेन्गई थेराट्टीपाल’ म्हणजेच कोकोनट हलवा सोप्या पद्धतीमध्ये बनवू शकता. ओल्या खोबऱ्याचा किस, तूप आणि गूळाचा वापर करुन कोकोनट हलवा बनवू शकता. हा पदार्थ १० ते १५ मिनिटं बनवू शकता. तोंडात विरघळणारा शाही पदार्थ खाल्यानंतर घरातील सर्वच तुमचे कौतुक करतील. सणासुदीच्या दिवसांमध्ये घरात विविध गोड पदार्थ अतिशय आवडीने बनवले जातात. सण- उत्सवाच्या दिवसांमध्ये विकतचे गोड पदार्थ आणण्यापेक्षा घरात पारंपरिक पद्धतीने बनवा टेस्टी कोकोनट हलवा बनवू शकता. भेसळयुक्त पदार्थांचे सेवन करण्याऐवजी घरात बनवलेले चवीसोबतच शरीरासाठी सुद्दा गुणकारी ठरतात. (फोटो सौजन्य – pinterest)

Recipe : सकाळच्या नाश्त्यात काय बनवावं ते सुचत नाहीये? मग अशाप्रकारे बनवा टेस्टी मिलेट नगेट्स

साहित्य:

• ओल्या खोबऱ्याचा किस
• चिरलेला गूळ
• हिरवी वेलची
• तांदळाचे पीठ
• पाणी
• साजूक तूप
• ओल्या खोबऱ्याचे पातळ काप
• काजूचे तुकडे

Salad Recipe: फिटनेसप्रेमींसाठी खास पदार्थ! हेल्दी राहण्यासाठी नाश्त्यात करा हाय-प्रोटीन सॅलडचा समावेश, नोट करा रेसिपी

कृती:

• कोकोनट हलवा बनवण्यासाठी, मिक्सरच्या भांड्यात ओल्या खोबऱ्याचा कीस, गूळ, वेलची, तांदळाचे पीठ आणि अर्धा कप पाणी घालून सर्व साहित्य व्यवस्थित बारीक वाटून घ्या.
• तांदळाच्या पिठामुळे हलव्याला घट्टसरपणा येईल आणि पदार्थाची चव सुद्धा मस्त लागेल.
• कढईमध्ये तूप गरम करण्यासाठी ठेवा. तूप गरम झाल्यानंतर खोबऱ्याचे पातळ काप आणि काजूचे तुकडे घालून हलके सोनेरी आणि कुरकुरीत होईपर्यंत तळून घ्या.
• शिल्लक राहिलेल्या तुपामध्ये वाटून घेतलेले खोबरे व गुळाचे मिश्रण घालून चमच्याने सतत मिक्स करत राहा. यामुळे पदार्थ कढईला चिकटणार नाही.
• मंद आचेवर गुळाचा पाक आणि खोबरे शिजवल्यामुळे सर्व साहित्य व्यवस्थित मिक्स करा. गडद रंग झाल्यानंतर त्यात तळलेले काजू, खोबऱ्याचे काप आणि एक चमचा तूप घालून मिक्स करा.
• तयार आहे तामिळनाडूतील पारंपरिक पद्धतीने बनवा टेस्टी कोकोनट हलवा. सणावारांच्या दिवसांमध्ये गोड पदार्थ खाण्याची ईच्छा झाल्यास कोकोनट हलवा बनवू शकता.