पावसाळा संपण्याआधी सकाळच्या नाश्त्यासाठी बनवा गरमागरम पालक-कॉर्न सूप, सर्दीपासून मिळेल सुटका

पावसाळ्याच्या दिवसांमध्ये शरीरात उष्णता वाढवण्यासाठी पालक कॉर्न सूपचे सेवन करावे. या सूपचे सेवन केल्यामुळे घशात वाढलेली खवखव कमी होते आणि शरीराला अनेक फायदे होतात. जाणून घ्या सूप बनवण्याची सोपी रेसिपी.

पावसाळ्याच्या दिवसांमध्ये साथीच्या आजारांची मोठ्या प्रमाणावर साथ पसरते. यामुळे सर्दी, खोकला, ताप किंवा घशाचे आजार होण्याची जास्त शक्यता असते. त्यामुळे साथीच्या आजारांची लागण झाल्यानंतर शरीराची जास्त काळजी घ्यावी. साथीचे आजार झाल्यानंतर शरीराची रोगप्रतिकारशक्ती कमकुवत होऊन जाते. अशावेळी आहारात गरमागरम पदार्थांचे सेवन करणे आवश्यक आहे. म्हणूनच आज आम्ही तुम्हाला सकाळच्या नाश्त्यात पालक कॉर्न सूप बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडतो. पालक खाणे आरोग्यासाठी अतिशय फायदेशीर आहे. यामध्ये असलेले कॅल्शियम आणि इतर आवश्यक घटक शरीराला ऊर्जा देतात. त्यामुळे आहारात पालकचे सेवन करावे. याशिवाय पावसाळ्याच्या दिवसांमध्ये बाजारात मक्याचे दाणे मोठ्या प्रमाणावर उपलब्ध असतात.चला तर जाणून घेऊया पालक कॉर्न सूप बनवण्याची सोपी रेसिपी.(फोटो सौजन्य – istock)

रोजच्या वरण-भाताची वाढेल सुंदर चव! १५ मिनिटांमध्ये घरी बनवा ढाबास्टाईल दाल फ्राय, नोट करा रेसिपी

साहित्य:

• पालक
• मक्याचे दाणे
• काळीमिरी पावडर
• मीठ
• आलं लसूण पेस्ट
• कॉर्नफ्लावर
• तेल
• लिंबू
• कोथिंबीर

हरतालिकेच्या उपवासाला झटपट बनवा साबुदाण्याची तिखट लापशी, पौष्टिक पदार्थ खाल्यास पोट राहील भरलेले

कृती:

• पालक कॉर्न सूप बनवण्यासाठी सर्वप्रथम, स्वच्छ करून घेतलेला पालक गरम पाण्यात काहीवेळ उकळवून घ्या.
• मोठ्या भांड्यात तेल गरम करण्यासाठी ठेवा. गरम तेलात आलं लसूण पेस्ट आणि उकडवून घेतलेले मक्याचे दाणे टाकून व्यवस्थित मिक्स करा.
• त्यानंतर त्यात पालक पेस्ट टाकून मिक्स करा आणि आवश्यकतेनुसार पाणी घालून व्यवस्थित मिक्स करून घ्या.
• त्यानंतर त्यात चवीनुसार मीठ. काळीमिरी पावडर घालून मिक्स करा.सूपला उकळी आल्यानंतर त्यात लिंबाचा रस टाकून मिक्स करा.
• सगळ्यात शेवटी कॉर्नफ्लावर सूप उकळवा आणि बारीक चिरलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले पालक कॉर्न सूप. हा पदार्थ घरातील सगळ्यांचं खूप जास्त आवडेल.