मोजक्याच साहित्यामध्ये बनवा हॉटेल स्टाईल टेस्टी हराभरा पनीर, नोट करून घ्या चमचमीत रेसिपी

पनीरपासून बनवलेले तेच ठराविक पदार्थ खाऊन कंटाळा आल्यानंतर तुम्ही सोप्या पद्धतीमध्ये हरभरा पनीर बनवू शकता. हा पदार्थ कमीत कमी साहित्यात झटपट तयार होतो.

सगळ्यांचं पनीर खायला खूप जास्त आवडते. पनीरचे नाव ऐकल्यानंतर सगळ्यांच्या तोंडाला पाणी सुटते. पनीरपासून अनेक वेगवेगळे पदार्थ बनवले जातात. जेवणात काहींना काही चमचमीत खाण्याची इच्छा झाल्यास पनीर टिक्का, पालक पनीर, मटार पनीर इत्यादी अनेक पदार्थ बनवले जातात. पण कायमच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीमध्ये हॉटेल स्टाईल हरभरा पनीर बनवू शकता. पनीर खाल्यामुळे शरीराला पोषण मिळते. यामध्ये असलेले प्रोटीन, कॅल्शियम आणि इतर आवश्यक घटक शरीरासाठी आवश्यक ठरतात. हिरव्या मसाल्यात केलेल्या भाज्या चवीला अतिशय सुंदर लागतात. हिरवी मिरची आणि पालकच्या मिश्रणात बनवलेले पनीर लहान मुलांपासून अगदी मोठ्यांपर्यंत सगळ्यांचं खूप जास्त आवडेल. हरभरा पनीर तुम्ही चपाती, तंदूर रोटी किंवा भाकरीसोबत सुद्धा खाऊ शकता. चला तर जाणून घेऊया हरभरा पनीर बनवण्याची सोपी रेसिपी.(फोटो सौजन्य – pinterest)

चायनीज लव्हर्स आहात? मग बाहेरून कशाला यंदा घरीच बनवा चविष्ट अशी ‘सोया चिली’

साहित्य:

• पनीर
• कांदा
• हिरवी मिरची
• कोथिंबीर
• पालक
• शिमला मिरची
• तेल
• आलं लसूण
• दही
• काळीमिरी पावडर
• गरम मसाला
• लाल तिखट
• मीठ

Bengali chaat: 10 मिनिटांमध्ये झटपट बनवा आंबट गोड चवीचे बंगाली चाट चूरमूर, पाहताच क्षणी सुटेल तोंडाला पाणी

कृती:

• हरभरा कबाब बनवण्यासाठी सर्वप्रथम, गॅसवर कढई ठेवून तेल गरम करून घ्या. गरम तेलात मध्यम आकाराचा कांदा आणि शिमला मिरची घालून भाजून घ्या.
• त्यानंतर त्यात कांद्याचे काप, सिमला मिरची, हिरव्या मिरच्या, लसूण, आलं तेलावर भाजून घ्या. भाजून घेतलेले सर्व साहित्य थंड करून मिक्सरच्या भांड्यात घालून बारीक वाटून पेस्ट तयार करा.
• गॅसवर कढई ठेवून त्यात तेल टाका. तेल व्यवस्थित गरम झाल्यानंतर त्यात हिरव्या वाटण घालून तेल सुटेपर्यंत भाजा. त्यानंतर त्यात लाल तिखट, हळद, गरम मसाला आणि काळीमिरी पावडर घालून व्यवस्थित मिक्स करून घ्या.
• ग्रेव्ही व्यवस्थित शिजल्यानंतर त्यात चवीनुसार मीठ आणि पनीरचे तुकडे घालून शिजवा. तयार आहे सोप्या पद्धतीमध्ये बनवलेले हरभरा पनीर.