गॅसचा वापर न करता १० मिनिटांमध्ये झटपट बनवा उन्हाळ्यात शरीराला ऊर्जा देणारे प्रोटीन लाडू, दिवसभर राहाल फ्रेश

उन्हाळ्याच्या दिवसांमध्ये शरीर ऊर्जा टिकवून ठेवण्यासाठी पौष्टिक पदार्थांचे सेवन करावे.म्हणूनच आज आम्ही तुम्हाला सोप्या पद्धतीमध्ये प्रोटीन युक्त लाडू बनवण्याची रेसिपी सांगणार आहोत. चला तर जाणून घेऊया.

उन्हाळा ऋतूला सुरुवात झाल्यानंतर शरीराला आवश्यक पोषक घटकांची गरज असते. कारण यादिवसांमध्ये घामावाटे शरीरातील पाणी आणि आवश्यक क्षार बाहेर पडून जातात. ज्याच्या परिणामामुळे शरीरात खूप जास्त थकवा आणि अशक्तपणा जाणवू लागतो. शरीरातील पाण्याची पातळी कमी झाल्यानंतर आरोग्य पूर्णपणे बिघडून जाते. डिहायड्रेशन झाल्यामुळे खूप जास्त थकवा आणि अशक्तपणा वाढतो. त्यामुळे उन्हाळा ऋतूला सुरुवात झाल्यानंतर सहज पचन होणाऱ्या पौष्टिक पदार्थांचे आहारात सेवन करावे. आज आम्ही तुम्हाला साखर, तूप किंवा गॅसचा वापर न करता सोप्या पद्धतीमध्ये शरीराला ऊर्जा देणारे प्रोटीन लाडू बनवण्याची सोपी रेसिपी सांगणार आहोत. हे प्रोटीन लाडू शरीरात ऊर्जा कायम टिकवून ठेवतात आणि आरोग्य सुधारण्यास मदत करतात. सकाळच्या नाश्त्यात नियमित एक लाडू खाल्ल्यास दीर्घकाळ पोट भरलेले राहील आणि लवकर भूक लागणार नाही. चला तर जाणून घेऊया लाडू बनवण्याची कृती.(फोटो सौजन्य – pinterest)

जेवणाची वाढेल दुप्पट चव! हिरव्या मुगापासून बनवा झटपट चमचमीत पौष्टिक डाळ, नोट करून घ्या रेसिपी

साहित्य:

• फुटाणे
• खजूर
• बदाम
• भोपळ्याच्या बिया
• सूर्यफुलाच्या बिया
• खसखस
• वेलदोडे
• वेलची पावडर
• बडीशेप
• डेसिकेटेड कोकोनट

Recipe : उन्हाळ्यात शरीराला मिळेल थंडावा, विकत नाही तर घरीच बनवा निरनिराळ्या फ्लेवर्सच्या No Sugar आईस्क्रीम

कृती:

• प्रोटीन युक्त लाडू बनवण्यासाठी सर्वप्रथम, मिक्सरच्या भांड्यात सोलून घेतलेले फुटाणे टाकून बारीक वाटून घ्या.
• त्यानंतर त्यात मिक्सरमध्ये मऊ खजूर, भिजवलेले बदाम, भोपळ्याच्या व सूर्यफुलाच्या बिया, बडीशेप आणि वेलदोडे घालून बारीक वाटून घ्या.
• तयार केलेले मिश्रण वाटीमध्ये काढून त्यात अर्धा वाटी डेसिकेटेड कोकोनट, खसखस, वेलची पावडर आणि गरजेनुसार सुका मेवा घालून मिक्स करा.
• सर्व साहित्य व्यवस्थित मिक्स करून झाल्यानंतर तुम्हाला हवे त्या आकारात लाडू बांधून घ्या. लाडू बांधताना त्यात दूध टाकून लाडू सहज बांधता येतील.
• तयार आहेत सोप्या पद्धतीमध्ये बनवलेले प्रोटीन युक्त हेल्दी लाडू.