साखर गुळाचा वापर न करता गणपती बाप्पाच्या स्वागतासाठी बनवा खजूर मोदक, नोट करून घ्या झटपट तयार होणारी रेसिपी

गणपती बाप्पाच्या नैवेद्यासाठी तुम्ही घरात खजूर मोदक बनवू शकता. हे मोदक बनवण्यासाठी जास्त वेळ लागत नाही. कमीत कमी साहित्यामध्ये खजूर मोदक तयार होतात. जाणून घ्या रेसिपी.

गणपती बाप्पाच्या आगमनाचा दिवस जवळ आला आहे. बाप्पाच्या स्वागतासाठी सगळीकडे मोठी तयारी केली जात आहे. याशिवाय बाप्पाच्या नैवेद्यासाठी अनेक वेगवेगळ्या प्रकारचे मोदक बनवले जातात. उकडीचे मोदक, तळणीचे मोदक, रवा मोदक, गुलकंद मोदक इत्यादी अनेक वेगवेगळ्या पदार्थांचा वापर करून मोदक बनवले जात आहेत. पण आज आम्ही तुम्हाला साखरेत गुळाचा वापर न करता खजूर मोदक बनवण्याची सोपी रेसिपी सांगणार आहोत. सण उत्सवाच्या दिवसांमध्ये मोठ्या प्रमाणावर गोड पदार्थांचे सेवन केले जाते. गोड पदार्थांच्या अतिसेवनामुळे शरीराला हानी पोहचते. त्यामुळे साखरेचे सेवन करण्याऐवजी नैसर्गिक गोडवा असलेल्या पदार्थांचे सेवन करावे. खजूर खाणे आरोग्यासाठी अतिशय चांगले आहे. यामुळे वाढलेले वजन नियंत्रणात राहण्यास मदत होते. चला तर जाणून घेऊया खजूर मोदक बनवण्याची सोपी रेसिपी.(फोटो सौजन्य: Pinterest)

Ganesh Chaturthi 2025 : लाडक्या बाप्पाच्या प्रसादाची सर्वांना पडेल भुरळ; यंदा घरी बनवा रेड वेलवेट मोदक

साहित्य:

• खजूर
• बदाम, काजू, पिस्ता, अक्रोड
• किसलेलं सुक खोबर
• अंजीर
• वेलची पावडर
• तूप

रोजच्या वरण-भाताची वाढेल सुंदर चव! १५ मिनिटांमध्ये घरी बनवा ढाबास्टाईल दाल फ्राय, नोट करा रेसिपी

कृती:

• खजूर मोदक बनवण्यासाठी सर्वप्रथम, खजूरच्या आतील बिया काढून बारीक तुकडे करून घ्या.
• मिक्सरच्या भांड्यात बारीक तुकडे केलेले खजूर आणि सुक खोबर एकत्र वाटून बारीक करा. पदार्थ वाटताना जास्त जाड ठेवू नये.
• मोठ्या भांड्यात वाटून घेतलेले खजूर, काजू, बदाम, अक्रोड आणि पिस्ताचे तुकडे एकत्र मिक्स करून घ्या. व्यवस्थित मिक्स करून
• झाल्यानंतर त्यात बारीक तुकडे केलेले अंजीर आणि वेलची पावडर टाकून हाताने मिक्स करा.
• तयार केलेले मिश्रण काहीवेळ तसेच ठेवा. मोदकाच्या साच्याला तूप लावून त्यात तयार केलेले मिश्रण भरून मोदक बनवा.
• तयार आहेत सोप्या पद्धतीमध्ये बनवलेले खजूर मोदक. हा पदार्थ बाप्पाच्या प्रसादासाठी अतिशय उत्तम आहे.