Recipe : उन्हाळ्यात शरीराला मिळेल थंडावा, विकत नाही तर घरीच बनवा निरनिराळ्या फ्लेवर्सच्या No Sugar आईस्क्रीम

No Sugar Ice Creame Recipe : आईस्क्रिम तेही साखरेशिवाय? होय तुम्ही बरोबर वाचलंत. आपल्या सर्वांच्या आवडीचा पदार्थ आपण हेल्दी देखील बनवू शकतो. उन्हाळ्याच्या दिवसांत तुम्ही घरीच वेगवेगळ्या फ्लेवर्सची आईस्क्रिम तयार करु शकता

• उन्हाळा ऋतू सुरु झाला असून उष्णता दिवसेंदिवस वाढतंच आहे.
• उन्हाळ्यात अधिकतर खाल्ला जाणारा सर्वांच्या आवडीचा पदार्थ म्हणजे आईस्क्रिम.
• तुम्हाला माहिती आहे का, साखरेचा वापर न करता तुम्ही घरीच टेस्टी आईस्क्रिम तयार करु शकता.

उन्हाळा सुरू झाला की अंगावर येणारी उष्णता, घामाने ओले झालेले दिवस आणि सतत काहीतरी थंड खाण्याची इच्छा हे सगळं आपल्याला जाणवतं. अशा वेळी थंडगार पदार्थांमध्ये आइसक्रीम हा सर्वांचा आवडता पर्याय ठरतो. लहान मुलांपासून ते मोठ्यांपर्यंत प्रत्येकाला आइसक्रीमची चव मनापासून आवडते. मात्र बाजारात मिळणाऱ्या अनेक आइसक्रीममध्ये जास्त प्रमाणात साखर, कृत्रिम रंग, प्रिझर्वेटिव्ह्ज आणि अनारोग्यदायी फॅट्स असतात. त्यामुळे त्यांचा जास्त प्रमाणात सेवन केल्यास आरोग्यावर विपरीत परिणाम होऊ शकतो.

याच कारणामुळे आजकाल हेल्दी पर्यायांची निवड करण्याकडे लोकांचा कल वाढला आहे. नो शुगर आइसक्रीम हा त्यापैकीच एक उत्तम पर्याय आहे. ही आइसक्रीम नैसर्गिक गोडवा असलेल्या पदार्थांपासून बनवली जाते, ज्यामुळे ती चविष्ट तर असतेच, पण शरीरासाठीही फायदेशीर ठरते. यातील सर्वात मोठा फायदा म्हणजे ही आइसक्रीम तुम्ही घरच्या घरी सहज तयार करू शकता आणि आपल्या आवडीनुसार त्यात बदलही करू शकता. चला तर मग, घरच्या घरी बनवता येणाऱ्या काही हेल्दी आणि नो शुगर आइसक्रीमच्या रेसिपी पाहूया.

जेवणाची वाढेल दुप्पट चव! हिरव्या मुगापासून बनवा झटपट चमचमीत पौष्टिक डाळ, नोट करून घ्या रेसिपी

केळीची हेल्दी आइसक्रीम

साहित्य:

• २ पिकलेली केळी
• १/२ कप दूध (किंवा बदाम दूध)
• १/२ छोटा चमचा व्हॅनिला एसेंस

कृती:

• सर्वप्रथम केळीचे तुकडे करून ४ ते ५ तास फ्रीजमध्ये ठेवा. केळी व्यवस्थित गोठल्यानंतर ती ब्लेंडरमध्ये घ्या.
• त्यात दूध आणि व्हॅनिला एसेंस घालून स्मूथ पेस्ट तयार करा.
• हे मिश्रण पुन्हा एका तासासाठी फ्रीजमध्ये ठेवा. थंडगार झाल्यावर सर्व्ह करा.

आंबा-दही आइसक्रीम

साहित्य:

• १ कप आंब्याचा गर
• १/२ कप घट्ट दही
• १ ते २ खजूर

कृती:

• आंब्याचा गर, दही आणि खजूर ब्लेंडरमध्ये घालून एकसारखे मिक्स करा. तयार मिश्रण आइसक्रीम ट्रे किंवा
• कुल्फी मोल्डमध्ये ओता. ५ ते ६ तास फ्रीजमध्ये सेट होऊ द्या. नंतर स्कूप करून सर्व्ह करा.

चॉकलेट पीनट बटर आइसक्रीम

साहित्य:

• २ गोठवलेली केळी
• १ मोठा चमचा पीनट बटर
• १ छोटा चमचा कोको पावडर

कृती:

• सर्व साहित्य ब्लेंडरमध्ये घालून क्रीमी टेक्सचर येईपर्यंत ब्लेंड करा. ही आइसक्रीम लगेचही खाऊ शकता किंवा
• थोडा वेळ फ्रीजमध्ये ठेवून अधिक थंड करून सर्व्ह करू शकता.

महाराष्ट्राचा चटकदार स्नॅक्स… मसालेदार, खुशखुशीत आणि कुरकुरीत चवीची ‘बाकरवडी’ घरी कशी बनवायची ते जाणून घ्या

स्ट्रॉबेरी-कोकोनट आइसक्रीम

साहित्य:

• १ कप स्ट्रॉबेरी
• १/२ कप नारळ दूध
• २ ते ३ खजूर

कृती:

• स्ट्रॉबेरीचे तुकडे करून २ ते ३ तास फ्रीजमध्ये ठेवा. नंतर स्ट्रॉबेरी, नारळ दूध आणि खजूर ब्लेंडरमध्ये घालून स्मूथ मिश्रण तयार करा.
• हे मिश्रण एका डब्यात काढून ४ ते ५ तास फ्रीजमध्ये सेट करा. तयार झाल्यावर स्कूप करून थंडगार सर्व्ह करा.
• या सर्व रेसिपी केवळ चविष्टच नाहीत तर आरोग्यदायीही आहेत. नैसर्गिक गोडवा आणि घरच्या घरी तयार करण्याची सोय यामुळे या आइसक्रीम्स उन्हाळ्यातील परफेक्ट ट्रीट ठरतात.
• आता बाजारातील अनहेल्दी पर्याय टाळून तुम्हीही या सोप्या आणि हेल्दी आइसक्रीम्सचा आनंद घेऊ शकता.