Recipe : जेवणात तोंडी लावायला घरी बनवा झणझणीत आणि चटकदार चवीची लसणाची चटणी, रेसिपी नोट करा

Garlic Chutney Recipe : बोरींग जेवण खाऊन कांटाळा आला असेल तर तुमच्या रात्रीच्या जेवणाची रंगत वाढवण्यासाठी घरी बनवा तिखट चवीची लसणाची चटणी. ही चटणी अनेक दिवस साठवून ठेवता येते.

• लसणाच्या चटणीची रेसिपी.
• जेवणाची चव वाढवण्यासाठी परफेक्ट पर्याय.
• रेसिपी एकदा तरी घरी नक्की ट्राय करा.

अनेकदा तीच भाजी-चपाती आणि डाळ-भात खाऊन कंटाळा येतो. जेवणाची रंगत वाढवायची असेल तर झणझणीत चटणी एक चांगला पर्याय ठरते. जुन्या काळापासून जेवणाची चव वाढवण्यासाठी ताटात चटणी आवर्जून सर्व्ह केली जाते. आता चटणी तर अनेक प्रकारची असते पण आज या लेखात आपण तिखट लसणाची चटणी कशी तयार करायची याची भन्नाट रेसिपी जाणून घेणार आहोत. या चटणीची खासियत म्हणजे आठवडाभर तुम्ही ही चटणी साठवून ठेवू शकता आणि अवघ्या १० मिनिटांत ही रेसिपी तयार होते. भाजी काय बनवावी ते सुचत नसल्यास चपाती-भाकरीसोबत नुसती ही चटणी जरी खाल्ली तरी तुमचे पोट आणि मन सहज भरेल. चला तर मग रेसिपीसाठी लागणारे साहित्य आणि कृती जाणून घेऊया.

Recipe : सकाळच्या नाश्त्यात काय बनवावं ते सुचत नाहीये? मग अशाप्रकारे बनवा टेस्टी मिलेट नगेट्स

साहित्य

• लसणाच्या २ पाकळ्या (२५-३० पाकळ्या)
• काश्मिरी लाल मिरची पूड (१ चमचा)
• धणे पूड (१ चमचा)
• हळद (अर्धा चमचा)
• चवीनुसार मीठ
• मीठ
• तेल (२ मोठे चमचे)
• जिरे (अर्धा चमचा)
• मोहरी (१/४ चमचा)
• चिमूटभर हिंग
• आमचूर पूड (चवीनुसार)
• ताजी कोथिंबीर

See more

चिमुकल्यांसाठी बनवा स्पेशल पदार्थ! वाटीभर नाचणीच्या पिठाचा वापर करुन बनवा मसालेदार चटपटीत चिप्स, नोट करुन घ्या रेसिपी

कृती

• लसणाची चटणी तयार करण्यासाठी सर्वप्रथम दोन मिडियम आकाराचे लसण सोलून घ्या.
• आता लसणाच्या पाकळ्यांना खलबत्त्यात छान ठेचून घ्या, मिक्सरमध्ये याची पेस्ट करु नका.
• लक्षात घ्या, लसूण फार बारीक ठेचू नका, तर त्याला हलकं जाडसर राहू द्या.
• आता ठेचलेल्या या लसणात काश्मिरी लाल मिरची पूड, धणे पूड, हळद आणि थोडे मीठ यांसारखे सर्व मसाले घालून मिक्स करा.
• आता यात आपल्याला स्पेशल तडका द्यायचा आहे.
• तडक्यासाठी एका लहान भांड्यात तेल गरम करा आणि त्यात जीरे-राई घाला.
• राई चांगली तडतडली की, यात चिमूचभर हिंग आणि ठेचलेला लसूण घाला.
• आता यात चिरलेली कोथिंबीर घालून सर्व साहित्य मंद आचेवर २-३ मिनिटे शिजू द्या.
• चवीनुसार यात आमचूर पावडर घाला आणि गॅस बंद करा.
• तुमची झणझणीत लसणाची चटणी तयार आहे. चपाती, भाकरी किंवा डाळ-भातासोबत या चटणीला खाण्यासाठी सर्व्ह करा.