Recipe : सकाळच्या नाश्त्याला बनवा चविष्ट राजगिऱ्याचा उपमा, फक्त १० मिनिटांची आहे रेसिपी

Rajgira Upma Recipe : सकाळच्या नाश्त्यासाठी जर तुम्ही हेल्दी आणि टेस्टी पर्याय शोधत असाल तर राजगिऱ्याचा उपमा तुमच्यासाठी परफेक्ट पर्याय ठरेल. याची रेसिपी फार सोपी आहे.

• सकाळच्या नाश्त्यासाठी नेहमीचे पदार्थ खाऊन कंटाळा आला असेल, तर हा हटके पर्याय नक्की ट्राय करा.
• कमी वेळेत तयार होणारी ही रेसिपी सकाळच्या धावपळीतही सहज बनवता येते.
• चव आणि पौष्टिकतेचा मेळ साधणारा हा पदार्थ तुमच्या नाश्त्याच्या मेनूमध्ये वेगळी रंगत आणेल.

सकाळचा नाश्ता आरोग्यासाठी फार महत्त्वाचा ठरत असतो आणि म्हणूनच सकाळचा नाश्ता स्किप न करण्याचा सल्ला दिला जातो. नाश्त्यासाठी पोहे, इडली-सांबार, पराठा हे काही लोकप्रिय ऑप्शन्स आहेत. पण तुम्ही कधी राजगिऱ्याचा उपमा हा पदार्थ ट्राय केला आहे का? राजगिरा हा अधिकतरवेळी उपवासात खाल्ला जातो. पण यापासून उपमा तयार केला जाऊ शकतो हे अनेकांना ठाऊक नाही. हा उपमा फक्त चवीलाच चांगला लागत नाही तर आरोग्यासाठीही तो फायदेशीर ठरतो. सर्वात महत्त्वाची बाब म्हणजे, हा उपमा फार कमी वेळेत तयार होतो ज्यामुळे सकाळच्या घाईगडबडीच्या वेळेसाठी तो परफेक्ट पर्याय ठरतो. चला तर मग या रेसिपीसाठी लागणारे साहित्य आणि कृती जाणून घेऊयात.

Cake At Home: मैद्याला करा बाय-बाय! ज्वारीच्या पिठापासून सोप्या पद्धतीत बनवा घरच्या घरी बनवा टेस्टी केक, नोट करा रेसिपी

साहित्य

• १.५ मोठा चमचा तेल
• १ लहान चमचा मोहरी
• १ लहान चमचा जिरे
• १८-२० कढीपत्ता
• १/२ लहान चमचा हिंग
• २ चिरलेल्या हिरव्या मिरच्या
• १ इंच आले, १ चिरलेला कांदा
• अर्धी हिरवी शिमला मिरची
• अर्धा टोमॅटो
• ३/४ लहान चमचा हळद
• १/२ लहान चमचा लाल तिखट
• १/२ लहान चमचा गरम मसाला
• ३/४ कप राजगिरा (भिजवून शिजवलेला)
• २ मोठे चमचे तळलेले शेंगदाणे
• चवीनुसार मीठ
• कोथिंबीर
• अर्ध्या लिंबाचा रस

भगरीचा डोसा ते चाटपर्यंत… यंदाच्या नवरात्रीत उपवासाच्या पदार्थांचा बदलला ट्रेंड; नवीन फ्यूजन डिशेस तुम्ही ट्राय केलेत की नाही?

कृती

• राजगिऱ्याचा उपमा तयार करण्यासाठी सर्वप्रथम गॅसवर एक कढई ठेवा.
• यात तेल टाका आणि तेल गरम झाले की मग यात जीरे आणि राई टाकून चांगलं तडतडू द्या.
• आता यात कढीपत्ता आणि हिंग घाला.
• फोडणी छान शिजली की यात चिरलेल्या हिरव्या मिरच्या, अद्रक आणि बारीक चिरलेला कांदा घालून साहित्य मध्यम आचेवर शिजवत ठेवा.
• कांदा गुलाबी रंगात आला की समजून जा, तो शिजला आहे.
• आता यात बारीक चिरलेली शिमला मिरची आणि टोमॅटो घाला.
• साहित्य चांगले शिजले की मग वेळ आहे मसाल्यांची, हळद, लाल तिखट आणि गरम मसाला घालून सर्व साहित्य एकत्रित ढवळून घ्या.
• यानंतर भिजवलेला राजगिरा आणि चवीनुसार मीठ घालून उपमा चांगला शिजवून घ्या.
• शेवटी चिरलेली कोथिंबीर आणि तळलेले शेंगदाणे घालून उपमा चांगला हलवून घ्या.
• तुमचा गरमागरम स्वादिष्ट आणि चवदार राजगिऱ्याचा उपमा तयार आहे.