हिवाळ्यात कपभर ज्वारीच्या लाह्यांपासून घरी बनवा पौष्टिक चिक्की, आरोग्याला होतील भरभरून फायदे

संध्याकाळच्या वेळी छोटी मोठी भूक लागल्यानंतर काहींना काही खाण्याची इच्छा होते. अशावेळी तुम्ही ज्वारीच्या लाह्यांची चिक्की खाऊ शकता. ही चिक्की आरोग्यासाठी अतिशय पौष्टिक आणि गुणकारी आहे. चला तर जाणून घेऊया सोपी रेसिपी.

थंडीच्या दिवसांमध्ये आहारात उष्ण पदार्थांचे सेवन करावे. कारण वातावरणात निर्माण झालेल्या गारव्यामुळे आरोग्याला हानी पोहचण्याची शक्यता असते. थंडीच्या दिवसांमध्ये साथीचे आजार मोठ्या प्रमाणावर वाढू लागतात. हे आजार वाढल्यानंतर शरीराची रोगप्रतिकारशक्ती कमकुवत होऊन जाते. अशावेळी आहारात तीळ, गूळ, पौष्टिक लाडू, चिक्की, ज्वारी, नाचणी, बाजरी इत्यादी धान्यांचे सेवन करावे. हे पदार्थ आरोग्यासाठी अतिशय फायदेशीर मानले जातात. थंड वातावरणात हे पदार्थ सहज पचन होतात. ज्वारीच्या लाह्याचे सेवन अजूनही अनेक घरांमध्ये केले जाते. ज्वारीच्या लाह्या शरीरासाठी महत्वाच्या आहेत. त्यामुळे आज आम्ही तुम्हाला ज्वारीच्या लाह्याचा वापर करून चिक्की बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• ज्वारीच्या लाह्या
• तूप
• गूळ
• वेलची पावडर
• पिस्त्याचे काप

नवनवीन रेसिपीसाठी इथे क्लिक करा

कृती:

• ज्वारीच्या लाह्याची चिक्की बनवण्यासाठी सर्वप्रथम, कढईमध्ये तूप गरम करून त्यात ज्वारीच्या लाह्या टाकून ४ मिनिटं मंद आचेवर व्यवस्थित भाजून घ्या.
• भाजून झाल्यानंतर लाह्या थंड होण्यासाठी ठेवा. कढईमध्ये तूप टाकून त्यात बारीक किसून घेतलेलं गूळ टाकून वितळवून घ्या.
• गूळ पूर्णपणे वितळल्यानंतर त्यात ज्वारीच्या लाह्या आणि बदाम, पिस्त्याचे तुकडे टाकून मिक्स करून घ्या.
• मोठ्या ताटाला तूप लावून त्यावर ज्वारीचे लाह्याचे तयार केलेले मिश्रण पसरवून घ्या. त्यानंतर सुरीच्या सहाय्याने तुकडे करून घ्या.
• तयार आहे सोप्या पद्धतीमध्ये बनवलेली ज्वारीच्या लाह्यांची चिक्की.