Recipe : परिणीती चोप्राची फेव्हरेट डिश, घरी बनवा टेस्टी आणि चीजी ‘मशरुम टोस्ट’, सकाळच्या नाश्त्यासाठी परफेक्ट पर्याय

Mushroom Toast Recipe : बाॅलिवूड अभिनेत्री परिणीती चोप्राने अलिकडेच आपल्या एका आवडीच्या पदार्थाची रेसिपी चाहत्यांसोबत शेअर केली. ही डिश चवीला फार चविष्ट असून फार कमी वेळात तुम्ही तिला घरी तयार करु शकता.

• मागील काही काळापासून परिणीती चोप्राची फेव्हरेट डिश इंटरनेटवर खूप चर्चेत आहे.
• ही डिश फार सोपी आणि झटपट तयार होणारी आहे.
• आपल्या सकाळच्या नाश्त्यात तुम्ही या डिशचा समावेश करु शकता.

सकाळच्या नाश्त्याला काहीतरी खास, क्रीमी आणि झटपट बनणारं खायचं असेल, तर अभिनेत्री परिणीती चोप्राची आवडती मशरूम टोस्ट रेसिपी नक्की ट्राय करायला हवी. हलकी, चविष्ट आणि थोडीशी रेस्टॉरंट-स्टाइल अशी ही डिश घरच्या घरी अगदी सहज तयार होते. या रेसिपीची खासियत म्हणजे यामध्ये तयार होणारा क्रीमी मशरूम सॉस, जो ब्रेडवर लावल्यावर प्रत्येक घास अधिकच स्वादिष्ट बनवतो.

Recipe : चहाची मजा होईल द्विगुणित, मैद्यापासून नाही तर रव्यापासून बनवा कुरकुरीत टी टाईम स्नॅक्स; महिनाभर साठवता येईल

ही रेसिपी इतकी सोपी आहे की कुणीही काही मिनिटांत बनवू शकतो. एकीकडे बटरमध्ये मैदा भाजून तयार केलेला स्मूद सॉस आणि दुसरीकडे लसूण आणि मसाल्यांसोबत परतलेले मशरूम… या दोघांचा सुंदर संगम म्हणजे हा मशरूम टोस्ट. नाश्त्यासाठी, संध्याकाळच्या हलक्या खाण्यासाठी किंवा पाहुण्यांसाठी क्विक स्नॅक म्हणूनही हा उत्तम पर्याय ठरतो. चला याची रेसिपी जाणून घेऊया.

साहित्य:

• ब्रेड स्लाइस – 4
• मशरूम – 1 कप (बारीक चिरलेले)
• बटर – 2 टेबलस्पून
• मैदा – 1 टेबलस्पून
• दूध – 1 कप
• लसूण – 2-3 पाकळ्या (बारीक चिरलेल्या)
• मीठ – चवीनुसार
• काळी मिरी पावडर – ½ टीस्पून
• चीज (पार्मेज़ान किंवा चेडर) – 2 टेबलस्पून (किसलेले)

वजन होईल झपाट्याने कमी! सकाळच्या नाश्त्यात बनवा शेवग्याच्या पानांचे धिरडे, पौष्टिक पदार्थाने करा दिवसाची सुरुवात

कृती:

• सर्वप्रथम एका पॅनमध्ये 1 टेबलस्पून बटर गरम करा आणि त्यात मैदा घालून मंद आचेवर हलक्या सोनेरी रंग येईपर्यंत भाजून घ्या.
• आता त्यात हळूहळू दूध घाला आणि सतत हलवत गाठी न होता गुळगुळीत क्रीमी सॉस तयार करा.
• दुसऱ्या पॅनमध्ये उरलेले बटर गरम करून त्यात लसूण परतवा.
• त्यात चिरलेले मशरूम घालून ते मऊ होईपर्यंत परतून घ्या.
• मीठ आणि काळी मिरी घालून चांगले मिक्स करा.
• आता तयार क्रीमी सॉसमध्ये हे मशरूम मिसळा आणि त्यात चीज घालून हलवा.
• ब्रेड स्लाइस टोस्ट करून त्यावर तयार मशरूम मिश्रण पसरवा आणि गरमागरम सर्व्ह करा.
• हा स्वादिष्ट मशरूम टोस्ट तुम्ही नुसताच खाऊ शकता किंवा पनीर, चिकन किंवा फिशसोबतही सर्व्ह करू शकता. क्रीमी टेक्स्चर आणि रिच फ्लेवरमुळे ही रेसिपी एकदा खाल्ली की पुन्हा पुन्हा बनवावीशी वाटते.