Recipe : हेल्दी आणि टेस्टी, घरी बनवा प्रोटीनने भरपूर चिकन सॅलड, चवीसोबत पोषणही मिळेल भरपूर

Chicken Salad Recipe : आरोग्यदायी आणि प्रोटीनयुक्त आहार शोधत असाल, तर चिकन सॅलड हा उत्तम पर्याय ठरू शकतो. ताज्या भाज्या आणि चिकनच्या मिश्रणातून तयार होणारी ही डिश चवदार असून शरीराला आवश्यक पोषणही देते.

(फोटो सौजन्य: Pinterest)

Follow Us:

Follow Us:

• चिकन सॅलडमध्ये भरपूर प्रोटीन असल्याने स्नायूंच्या वाढीस आणि शरीराच्या रिकव्हरीस मदत होते.
• ताज्या भाज्या आणि हलक्या ड्रेसिंगमुळे ही डिश पौष्टिक तसेच कमी कॅलरीयुक्त ठरते.
• वर्कआउटनंतरचे मील, दुपारचे जेवण किंवा हेल्दी स्नॅक म्हणून हा उत्तम पर्याय आहे.

विकेंड करायचाय खास? मग घरी बनवा मसालेदार आणि चमचमीत ‘अंडा बिर्याणी’, रेसिपी आहे फार सोपी

प्रोटीन रिच चिकन सॅलड ही अशी एक पौष्टिक आणि चविष्ट डिश आहे जी दुपारच्या जेवणासाठी, संध्याकाळच्या हलक्या आहारासाठी किंवा वर्कआउटनंतरच्या मीलसाठी उत्तम पर्याय ठरू शकते. ताज्या भाज्या, चिकन आणि हलक्या ड्रेसिंगच्या मिश्रणामुळे हे सॅलड चवीसोबतच आरोग्यालाही लाभदायक ठरते. विशेष म्हणजे ही रेसिपी झटपट तयार होते आणि घरच्या घरी सहज बनवता येते.

साहित्य

• 250 ग्रॅम बोनलेस चिकन
• 1 कप चिरलेली कोबी
• 1 काकडी (चिरलेली)
• 1 टोमॅटो (चिरलेला)
• 1 लहान कांदा (पातळ चिरलेला)
• 1/2 कप स्वीट कॉर्न
• 1 चमचा ऑलिव्ह ऑइल
• 1 चमचा लिंबाचा रस
• चवीनुसार मीठ
• 1/2 चमचा काळी मिरी पावडर

मॅरिनेशनसाठी

• 2 चमचे दही
• 1 चमचा आलं-लसूण पेस्ट
• 1/2 चमचा लाल तिखट
• 1/2 चमचा काळी मिरी पावडर
• 1/2 चमचा लिंबाचा रस
• चवीनुसार मीठ

कृती

• चिकन स्वच्छ धुवून त्यात दही, आलं-लसूण पेस्ट, लाल तिखट, काळी मिरी, लिंबाचा रस आणि मीठ घालून चांगले मॅरिनेट करा.
• हे मिश्रण किमान 30 मिनिटे बाजूला ठेवा.
• त्यानंतर मॅरिनेट केलेले चिकन ओव्हनमध्ये किंवा पॅनमध्ये रोस्ट करून घ्या.
• चिकन पूर्णपणे शिजल्यावर ते थंड होऊ द्या आणि त्याचे लहान तुकडे करा.
• एका मोठ्या भांड्यात चिरलेली कोबी, काकडी, टोमॅटो, कांदा आणि स्वीट कॉर्न एकत्र करा. त्यामध्ये रोस्ट केलेले चिकन घाला.
• वेगळ्या वाटीत ऑलिव्ह ऑइल, लिंबाचा रस, मीठ आणि काळी मिरी पावडर मिसळून ड्रेसिंग तयार करा. हे ड्रेसिंग सॅलडवर ओतून सर्व साहित्य हलक्या हाताने एकत्र करा.
• तयार मॅरिनेट रोस्ट चिकन सॅलड ताजे सर्व्ह करा.

Web Title: Make protein rich chicken salad at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com