Masala Appe Recipe: सणवारांच्या दिवसांमध्ये घरी आलेल्या पाहुण्यांसाठी बनवा झटपट तयार होणारे मसाला आप्पे, नोट करून घ्या रेसिपी

Masala Appe Recipe: सणावारांच्या दिवसांमध्ये घरी आलेल्या पाहुण्यांसाठी तुम्ही सोप्या पद्धतीमध्ये आणि कमी वेळात झटपट तयार होणारे मसाले आप्पे बनवू शकता. हे आप्पे चवीला अतिशय सुंदर लागतात. चला तर जाणून घेऊया रेसिपी.

Masala Appe Recipe: दक्षिण भारतीय पदार्थ केवळ भारताचं नाहीतर संपूर्ण जगभरात फेमस आहेत. इडली, डोसा, अप्पे, उत्तप्पा यांसारखे पदार्थ केवळ सकाळच्या नाश्त्यात नाहीतर जेवणात सुद्धा खाल्ले जातात. खोबऱ्याची चटणी आणि सांबार इडली, डोसासोबत आवडीने खाल्ले जाते. डाळ, तांदूळ भिजवून त्यापासून विविध पदार्थ बनवले जातात. सणावारांच्या दिवसांमध्ये सगळ्यांकडेच पाहुणे येतात. पाहुण्यांच्या नाश्त्यात कांदापोहे, उपमा, शिरा किंवा इतर वेगवेगळे पदार्थ बनवले जातात. त्यामुळे पाहुण्यांना नवीन काहींना काही पदार्थ बनवून खाऊ घालायचा असेल तर झटपट तयार होणारे रव्याचे आप्पे अतिशय उत्तम आहेत. रव्याचे आप्पे १० ते १५ मिनिटांमध्ये तयार होतात आणि वेगवेगळ्या भाज्या टाकून बनवलेला पदार्थ चवीला अतिशय सुंदर लागतो. चला तर जाणून घेऊया मसाला आप्पे बनवण्याची सोपी रेसिपी.(फोटो सौजन्य – istock)

Beetroot Oats Appe: बीट खायला अजिबात आवडत नाही? मग रक्त वाढवण्यासाठी सोप्या पद्धतीमध्ये बनवा बीट ओट्स आप्पे, नोट करा रेसिपी

साहित्य:

• रवा
• पोहे
• तांदळाचे पीठ
• दही
• आंबट दही
• बेकिंग सोडा
• कांदा
• टोमॅटो
• हिरवी मिरची
• मीठ

Ganeshotsav 2026: साखरेचा अजिबात वापर न करता गणपती बाप्पाच्या प्रसादासाठी बनवा Homemade Khajur Peda, नोट करा रेसिपी

कृती:

• मसाला आप्पे बनवण्यासाठी सर्वप्रथम, मिक्सरच्या भांड्यात पोहे घालून बारीक वाटून घ्या. त्यानंतर त्यात तांदळाचे पीठ आणि रवा घालून पुन्हा एकदा मिक्सरमधून फिरवून घ्या.
• बारीक पीठ तयार झाल्यानंतर वाटीमध्ये काढून त्यात दही घाला आणि व्यवस्थित मिक्स करा. मिश्रण घट्टसर वाटल्यास त्यात थोडस पाणी घालावे.
• त्यानंतर त्यात बारीक चिरून घेतलेला कांदा, टोमॅटो आणि हिरवी मिरची घालून व्यवस्थित मिक्स करा.
• तयार केलेल्या मिश्रणात तुमच्या आवडीनुसार भाज्या सुद्धा घालू शकता. यामुळे आप्प्याची चव मस्त लागते.
• सगळ्यात शेवटी बेकिंग सोडा घालून मिश्रण व्यवस्थित मिक्स करा आणि काहीवेळ झाकण मारून ठेवा.
• आप्पे पात्र गरम करण्यासाठी ठेवून द्या. त्यानंतर त्यात तेल किंवा बटर घालून तयार केलेले मिश्रण घाला आणि दोन्ही बाजूने कुरकुरीत होईपर्यंत आप्पे भाजून घ्या.
• तयार आहेत सोप्या पद्धतीमध्ये बनवलेले रव्याचे झटपट तयार होणारे आप्पे.