Daal Bati Recipe: राजस्थानी चव आता तुमच्या घरी; पारंपरीक पद्धतीने जेवणात बनवा डाळ-बाटीचा बेत

राजस्थानचा पारंपरिक पदार्थ म्हणजे डाळ बाटी! गव्हाच्या पिठापासून तयार केलेली खमंग बाटी आणि गरमा गरम डाळ यांचे मिश्रण चवीला अप्रतीम लागते. राजस्थानची खमंग चव घरी येऊद्यात, जाणून घेऊया रेसिपी.

राजस्थानची पारंपरिक व अतिशय प्रसिद्ध डिश म्हणजे डाळ-बाटी. ही एक चविष्ट आणि पारंपरिक डिश आहे ज्यात गरमा गरम डाळीसोबत खमंग तुपात बुडवलेली बाटी सर्व्ह केली जाते. ही बाटी गव्हाच्या पीठापासून तयार करून छान खरपूस भाजली जाते. डाळ ही तूर, मूग आणि चणाडाळींचे मिश्रण असते. वरून तुपाची धार देऊन खाल्ल्यास याची चव अवर्णनीय होते.

सकाळच्या नाश्त्यात लहान मुलांसाठी बनवा पौष्टिक उकड्या तांदळाची पेज, आरोग्यासाठी ठरेल अतिशय प्रभावी

राजस्थानचा हा फेमस आणि पारंपरिक पदार्थ तुम्ही तुमच्या घरीच बनवू शकता. हा पदार्थ चविसोबतच आरोग्यसाठीही फायदेशीर आहे त्यामुळे एकदा तरी याची चव नक्कीच घ्या. हा पदार्थ फार सोपा, सहज आणि झटपट तयार होतो. डाळीमध्ये अनेक पोषक घटक असतात जे आपल्या आरोग्यासाठी फायदेशीर ठरतात शिवाय गव्हाच्या पिठात कमी कॅलरीज असतात ज्यामुळे लठ्ठपणाची समस्या जाणवत नाही. चला जाणून घेऊया यासाठी लागणारे साहित्य आणि कृती.

साहित्य

• गव्हाचे पीठ – २ कप
• रवा – ¼ कप
• मीठ – चवीनुसार
• ओवा – ½ टीस्पून
• बेकिंग सोडा – ¼ टीस्पून
• साजूक तूप – ३ टेबलस्पून
• कोमट पाणी – मळण्यासाठी
• तूप – बाटीमध्ये घालण्यासाठी
• डाळीसाठी (मिक्स डाळ):
• तूरडाळ – ¼ कप
• चणाडाळ – ¼ कप
• मूगडाळ – ¼ कप
• उडीदडाळ – २ टेबलस्पून
• मसूरडाळ – २ टेबलस्पून (पर्यायी)
• हळद – ½ टीस्पून
• मीठ – चवीनुसार
• हिंग – १ चिमूट
• जिरे – ½ टीस्पून
• आलं-लसूण पेस्ट – १ टीस्पून
• हिरव्या मिरच्या – १-२ (चिरून)
• टोमॅटो – १ मध्यम (बारीक चिरून)
• हळद, तिखट – आवश्यकतेनुसार
• साजूक तूप – २ टेबलस्पून
• कोथिंबीर – सजावटीसाठी

Katvada Recipe: झणझणीत तरीमध्ये कुरकुरीत वडा, कोल्हापूरचा फेमस कटवडा खाल्लात का?

कृती:

• डाळ बाटी बनवण्यासाठी सर्वप्रथम एका परातीत पीठ, रवा, मीठ, ओवा, बेकिंग सोडा व तूप घालून मिसळा
• कोमट पाण्याने घट्टसर गोळा मळून घ्या
• गोळ्याचे लहान गोळे करून बटाट्याच्या आकाराच्या बाट्या तयार करा
• ओव्हनमध्ये किंवा तंदुर/गॅसवर मध्यम आचेवर खरपूस भाजून घ्या (30-35 मिनिटे)
• भाजून झाल्यावर गरम बाट्या साजूक तुपात बुडवा
• सर्व डाळी धुऊन ३० मिनिटं भिजत ठेवा
• कुकरमध्ये डाळी, हळद, मीठ, ३ कप पाणी घालून ३-४ शिट्ट्या काढा
• एका पातेल्यात तूप गरम करून त्यात जिरे, हिंग, आलं-लसूण पेस्ट, मिरच्या, टोमॅटो, हळद व तिखट घाला
• थोडं परतून मग त्यात शिजवलेली डाळ घालून चांगली उकळवा
• शेवटी यावर कोथिंबीर घालून झाकून ठेवा
• गरमा गरम बाटीला तुपात बुडवा आणि यावर गरमा गरम डाळ टाकून तयार डाळ बाटी खाण्यासाठी सर्व्ह करा
• तुम्हाला हवं असल्यास तुम्ही यासोबत लसणाची चटणी देखील सर्व्ह करू शकता