पितृपक्षातील नैवैद्यासाठी १० मिनिटांमध्ये बनवा दाटसर तांदळाची खीर, नोट करून घ्या झटपट तयार होणारा पदार्थ

आज आम्ही तुम्हाला पितृ पक्षातील नैवेद्यासाठी तांदळाची खीर बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

११ दिवसांच्या गणपती बाप्पाचे विसर्जन झाल्यानंतर लगेच दुसऱ्या दिवशी पितृ पक्षाला सुरुवात होते. पितृपक्षाला सुरुवात झाल्यानंतर अनेक घरांमध्ये पितरांची पूजा केली जाते. याशिवाय वेगवेगळ्या पदार्थांचा नैवैद्य अर्पण केला जातो. नैवेद्याच्या स्वयंपाकात आवर्जून बनवला जाणारा पदार्थ म्हणजे तांदळाची खीर. काही जण तांदळाची खीर अतिशय पातळ तर कधी अतिशय घट्ट खीर बनवली जाते. चुकीच्या पद्धतीने खीर बनवल्यास पदार्थाची चव पूर्णपणे बिघडून जाते. म्हणूनच आज आम्ही तुम्हाला १० मिनिटांमध्ये दाटसर तांदळाची खीर बनवण्याची सोपी रेसिपी सांगणार आहोत. या पद्धतीने बनवलेली खीर चवीला अतिशय सुंदर लागेल आणि जास्त घट्ट किंवा पातळ सुद्धा होणार नाही. चला तर जाणून घेऊया तांदळाची खीर बनवण्याची सोपी रेसिपी.(फोटो सौजन्य: Pinterest)

कुळथाची पिठी कशी बनवायची? चवीला भारी, आरोग्यालाही पौष्टिक… वासाने स्वयंपाकघरात सुटेल घमघमाट; लगेच नोट करा रेसिपी

साहित्य:

• तांदूळ
• दूध
• साखर
• वेलची पावडर
• सुका मेवा
• जायफळ
• तूप

गिलक्याची भाजी खायला आवडत नाही? मग सोप्या पद्धतीमध्ये घरी बनवा झणझणीत गिलके फ्राय, नोट करा रेसिपी

कृती:

• तांदळाची खीर बनवण्यासाठी सर्वप्रथम, स्वच्छ धुतलेले तांदूळ व्यवस्थित सुकवून घ्या.
• कढई गरम करून त्यात तूप टाका. त्यानंतर त्यात सर्व सुका मेवा व्यवस्थित भाजून घ्या. सुका मेवा भाजून झाल्यानंतर त्यात सुकवलेले तांदूळ लाल सोनेरी होईपर्यंत भाजून घ्या.
• भाजलेले तांदूळ थंड झाल्यानंतर मिक्सरच्या भांड्यात टाकून बारीक वाटून घ्या. तांदळाची बारीक पावडर करू नये.
• कढईमधील गरम दुधात जडबारीक करून घेतलेले तांदूळ टाकून व्यवस्थित शिजवून घ्या. दूध सतत मिक्स करत राहा.
• तांदूळ शिजल्यानंतर त्यात चवीनुसार साखर टाकून व्यवस्थित मिक्स करा. नंतर त्यात वेलची पावडर आणि जायफळ पावडर टाकून मिक्स करून घ्या.
• खीर तयार झाल्यानंतर त्यात भाजलेला सुका मेवा आणि केशर काड्या टाकून मिक्स करा.
• तयार आहे सोप्या पद्धतीमध्ये बनवलेली तांदळाची दाटसर खीर.