दोडक्याची भाजी आवडत नसेल तर बनवून पहा चविष्ट दोडक्याच्या सालींची चटणी, वाचा सोपी रेसिपी

दोडक्याची भाजी शक्यतो कोणालाच खायला आवडत नाही. मग या भाजीपासून वेगवेगळे पदार्थ बनवून दिले जातात. पण दोडक्याची भाजी आरोग्यासाठी गुणकारी आहे. दोडक्याच्या भाजीला चव नसल्याने अनेक लोक ही भाजी खाणे टाळतात. त्यामुळे आज आम्ही तुम्हाला दोडक्याच्या सालींपासून चटणी कशी बनवायची याची सोपी रेसिपी सांगणार आहोत.ही रेसिपी नक्की बनवून पहा.

दोडक्याच्या भाजीच नाव ऐकल्यानंतर अनेक लोक नाक मुरडतात. ही भाजी शक्यतो कोणालाच खायला आवडत नाही. मग या भाजीपासून वेगवेगळे पदार्थ बनवून दिले जातात. पण दोडक्याची भाजी आरोग्यासाठी गुणकारी आहे. दोडक्याच्या भाजीला चव नसल्याने अनेक लोक ही भाजी खाणे टाळतात. त्यामुळे आज आम्ही तुम्हाला दोडक्याच्या सालींपासून चटणी कशी बनवायची याची सोपी रेसिपी सांगणार आहोत. दोडक्याच्या भाजीचे नाव ऐकून नाक मुरडणाऱ्या लोकांना सुद्धा ही चटणी नक्की आवडेल. दोडक्याच्या सालींची चटणी तुम्ही पराठा, पोळी, डोसा, इडली, चपाती किंवा भाकरीसोबत सुद्धा खाऊ शकता. चला तर जाणून घेऊया दोडक्याच्या सालीचा वापर करून बनवलेली चटणी.(फोटो सौजन्य-istock)

साहित्य:

• दोडक्याच्या साली
• हरभरा डाळ
• उडीद डाळ
• आलं
• कढीपत्ता
• हिरव्या मिरच्या
• हिंग
• मोहरी
• तेल
• मीठ
• चिंच

हे देखील वाचा: तंदुरुस्त राहण्यासाठी सोनम कपूर सकाळी खाते ‘या’ गोष्टी; जाणून घ्या तिचे खास डायट

कृती:

• दोडक्याच्या सालींची चटणी बनवण्यासाठी सर्वप्रथम कढई गरम करून हरभरा डाळ आणि उडीद डाळ भाजून घ्या. डाळ भाजून थंड करा.
• त्यानंतर त्याच कढईमध्ये दोडक्याच्या साली, कडिपत्ता, कोथिंबीर, आलं, चिंचेचा तुकडा, हिरव्या मिरचीचे तुकडे घालून त्यात पाणी टाकून व्यवस्थित शिजवून घ्या.
• तसेच त्यामध्ये मीठ घालून शिजण्यासाठी ठेवा.
• हे सर्व मिश्रण थंड झाल्यानंतर मिक्सरच्या भांड्यात टाकून बारीक वाटून घ्या.
• फोडणी तयार करण्यासाठी तेल गरम करून त्यात मोहरी आणि हिंग घालून त्यात भाजलेल्या डाळी टाकून व्यस्थित भाजा.
• तयार केलीली फोडणी चटणीमध्ये टाकून व्यवस्थित मिक्स करून घ्या. तयार आहे दोडक्याच्या सालींची चटणी.