दिवसाची सुरुवात करा हेल्दी पदार्थाने! सकाळच्या नाश्त्यासाठी सोप्या पद्धतीमध्ये बनवा चमचमीत पनीर पराठा

सकाळच्या नाश्त्यासाठी तुम्ही सोप्या पद्धतीमध्ये पनीर पराठा बनवू शकता. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडतो. चला तर जाणून घेऊया पनीर पराठा बनवण्याची सोपी रेसिपी.

नाश्त्यामध्ये पराठा खायला सगळ्यांचं खूप जास्त आवडतो. पनीरचे नाव घेतल्यानंतर अनेकांच्या तोंडाला पाणी सुटते. पनीर भाजी, पालक पनीर किंवा पनीर बुर्जी इत्यादी अनेक वेगवेगळे पदार्थ पनीरपासून बनवले जातात. पण आज आम्ही तुम्हाला सकाळच्या नाश्त्यासाठी पनीर पराठा बनवण्याची सोपी रेसिपी सांगणार आहोत. पनीर पराठा बनवण्यासाठी जास्त वेळ लागत नाही. कमीत कमी साहित्यामध्ये तुम्ही पराठा बनवू शकता. हा पदार्थ दही किंवा हिरव्या चटणीसोबत अतिशय सुंदर लागतो. याशिवाय अनेक लोक वजन वाढेल या भीतीने सकाळचा नाश्ता करणे टाळतात. पण असे न करता सकाळच्या वेळी पोटभर नाश्ता करणे आवश्यक आहे. नाश्ता केल्यामुळे संपूर्ण दिवस आनंद आणि उत्साहामध्ये जातो. लवकर भूक लागत नाही. चला तर जाणून घेऊया पनीर पराठा बनवण्याची सोपी रेसिपी.(फोटो सौजन्य: Pinterest)

साखरेला मुळापासून उपटून टाकतील स्वयंपाकघरातील या बिया; याचा प्रत्येक दाणा म्हणजे अमृत, आजपासूनच खा… डझनभर आजार होतील दूर

साहित्य:

• पनीर
• हिरवी मिरची
• चाट मसाला
• गव्हाचं पीठ
• कांदा
• मीठ
• लाल तिखट
• गरम मसाला
• जिऱ्याची पावडर

Goan Fish Curry: रात्रीच्या जेवणासाठी झटपट बनवा चविष्ट गोवन फिश करी, नोट करून घ्या पारंपारिक रेसिपी

कृती:

• पनीर पराठा बनवण्यासाठी सर्वप्रथम, ताटात मैदा, गव्हाचं पीठ आणि चवीनुसार मीठ टाकून व्यवस्थित मिक्स करून घ्या. त्यानंतर आवश्यकतेनुसार पाणी घालून पीठ मळून घ्या.
• मोठ्या वाटीमध्ये किसून घेतलेलं पनीर, बारीक चिरलेला कांदा, हिरवी मिरची, गरम मसाला, लाल तिखट, मीठ, काळीमिरी पावडर, जिऱ्याची पावडर, चाट मसाला घालून व्यवस्थित मिक्स करा.
• गव्हाच्या पिठाचे छोटे छोटे गोळे करून त्यात पनीरचे मिश्रण भरून घ्या आणि पराठा लाटून घ्या.
• गरम तव्यावर पराठा टाकून दोन्ही बाजूने व्यवस्थित भाजून घ्या आणि वरून तूप टाकून भाजा.
• तयार आहे सोप्या पद्धतीमध्ये बनवलेला पनीर पराठा. हा पदार्थ घरातील सगळ्यांचं खूप जास्त आवडेल.