One Pot Recipe: १० मिनिटांत कुकरमध्ये बनवा स्ट्रीट स्टाईल पावभाजी, सकाळचा नाश्ता होईल आणखीनच मजेदार

आज आम्ही तुम्हाला कुकरमध्ये १० मिनिटांत पावभाजी बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. चला तर जाणून घेऊया रेसिपी.

सकाळच्या नाश्त्यात प्रत्येकालाच काहींना काही नवीन पदार्थ खाण्यास हवे असतात. नेहमीच कांदापोहे, उपमा, शिरा, इडली, डोसा खाऊन सगळ्यांचं कंटाळा येतो. सकाळी पोटभर नाश्ता केल्यास संपूर्ण दिवस आनंद आणि उत्साहात जातो. तसेच दीर्घकाळ पोट भरलेले राहते. अनेकांना पावभाजी बनवणे खूप जास्त कठीण वाटते. कारण पावभाजी बनवण्यासाठी भाजी निवडा, कुकरमधून शिजवून घ्या, त्यानंतर भाजीला पुन्हा एकदा फोडणी द्यावी लागतो. त्यामुळे खूप जास्त वेळ लागतो. सकाळच्या नाश्त्यात किंवा जेवणातील पदार्थांमध्ये प्रत्येकाला झटपट तयार होणारे पदार्थ हवे असतात. म्हणूनच आज आम्ही तुम्हाला कुकरमध्ये १० मिनिटांत पावभाजी बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांचं पावभाजी खायला खूप जास्त आवडते. कामाच्या धावपळीमध्ये घरी आलेल्या पाहुण्यांसाठी तुम्ही झटपट या पद्धतीने पावभाजी बनवू शकता. वन पॉट रेसिपी बनवण्यासाठी जास्त वेळ लागत नाहीत. एकाच भांड्यात पदार्थ शिजवल्यामुळे जास्त पसारा होत नाही. चला तर जाणून घेऊया वन पॉट पावभावी बनवण्याची सोपी रेसिपी. (फोटो सौजन्य – istock)

बाळंतीणीसाठी सकाळच्या नाश्त्यात पारंपरिक पद्धतीमध्ये बनवा बाजरीच्या पिठाची पेज, पौष्टिक पदार्थाने करा दिवसाची सुरुवात

साहित्य:

• बटाटा
• शिमला मिरची
• फ्लॉवर
• मटार
• पावभाजी मसाला
• लाल तिखट
• हळद
• मीठ
• बटर
• जिरं
• मोहरी
• कांदा टोमॅटो पेस्ट
• आलं लसूण पेस्ट

जेवणात तोंडी लावण्यासाठी झटपट बनवा खमंग कढीपत्त्याची चटणी! महिनाभरात थांबेल केस गळती, केस होतील लांबलचक

कृती:

• पावभाजी बनवण्यासाठी सर्वप्रथम, सर्व भाज्या स्वच्छ साफ करून पाण्यात भिजत ठेवा.
• कुकरच्या भांड्यात थोडं तेल आणि बटर गरम करून घ्या. त्यानंतर त्यात जिरं, मोहरी आणि हिंग घाला. त्यानंतर कांदा टोमॅटो पेस्ट घालून तेल सुटेपर्यंत भाजा.
• कांदा शिजल्यानंतर त्यात हळद, लाल तिखट, चवीनुसार मीठ, आलं लसूण पेस्ट आणि पावभाजी मसाला घालून सर्व साहित्यात तेलात काहीवेळा भाजा.
• मसाले व्यवस्थित शिजल्यानंतर त्यात भाज्या घालून मिक्स करा आणि भाज्यांना एक वाफ काढून घ्या. त्यानंतर आवश्यकतेनुसार पाणी घालून कुकरचे झाकण लावा.
• कुकरच्या ५ ते ६ शिट्ट्या काढून पावभाजी मॅशरच्या सहाय्याने मॅश करून घ्या. वरून बारीक चिरलेली कोथिंबीर घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली चविष्ट पावभाजी.