Shravan 2025: उपवासाच्या दिवशी दुधाचा वापर न करता झटपट बनवा गोड शेवया, नोट करून घ्या रेसिपी

श्रावण महिन्यात घरात अनेक गोड पदार्थ बनवले जातात. गोड पदार्थ पाहताच सगळ्यांच्या तोंडाला पाणी सुटते. म्हणूनच आज आम्ही तुम्हाला गोड शेवया बनवण्याची सोपी रेसिपी सांगणार आहोत.

श्रावण महिना सुरु होण्यास अवघे काही दिवस शिल्लक राहिले आहेत. या दिवसांमध्ये घरात नेहमीच शाहाकारी आणि गोड पदार्थ बनवले जातात. तसेच श्रावण महिन्यात येणाऱ्या प्रत्येक सोमवारी उपवास केला जातो. शंकराची मनोभावे पूजा करून गोड पदार्थांचा नैवेद्य दाखवला जातो. नैवेद्यामध्ये नेहमीच शिरा, खीर किंवा मिठाई ठेवली जाते. पण आज आम्ही तुम्हाला दुधाचा वापर न करता झटपट गोड शेवया बनवण्याची सोपी रेसिपी सांगणार आहोत. प्रामुख्याने शेवया बनवताना त्यात हिरवी मिरची, कांडा आणि इतर साहित्यांचा वापर करून तिखट शेवया बनवल्या जातात. सकाळच्या नाश्त्यात अजूनही बऱ्याच घरांमध्ये तिखट शेवया खाल्ल्या जातात. सकाळच्या घाईगडबडीमध्ये अनेक वेगवेगळे पदार्थ बनवताना खूप जास्त घाई होते. अशावेळी शेवया हा उत्तम पर्याय आहे. कमीत कमी साहित्यात आणि कमी वेळात शेवया तयार होतात. चला तर जाणून घेऊया गोड शेवया बनवण्याची सोपी रेसिपी.(फोटो सौजन्य – pintrest)

शिल्लक राहिलेल्या चपात्या वातड होतात? मग सोप्या पद्धतीमध्ये सकाळच्या नाश्त्यासाठी बनवा चपातीचा चुरा

साहित्य:

• शेवया
• साखर
• तूप
• वेलची पावडर
• काजू बदाम तुकडे

लहान मुलांच्या डब्यासाठी १० मिनिटांमध्ये झटपट बनवा चमचमीत लसूण पराठा, नोट करून घ्या पदार्थ

कृती:

• गोड शेवया बनवताना सर्वप्रथम, कढईमध्ये तूप गरम करून घ्या. त्यानंतर सुका मेवा टाकून खमंग भाजा.
• त्याच कढईमध्ये बारीक शेवया टाकून मंद आचेवर भाजून घ्या. दहा मिनिटं मंद आचेवर शेवया भाजून झाल्यानंतर त्या लाल दिसू लागतील.
• त्यानंतर त्यात आवडीनुसार साखर घालून मिक्स करा. साखर पूर्णपणे विरघळल्यानंतर त्यात अर्धा वाटी पाणी घालून शेवया शिजण्यासाठी ठेवा.
• शेवया शिजून मऊ झाल्यानंतर त्यात काजू बदाम आणि वेलची पावडर घालून व्यवस्थित मिक्स करा.
• ३ ते ४ मिनिटं झाल्यानंतर गॅस बंद करून शेवया नैवेद्यसाठी ठेवा. दुधाचा वापर न करता बनवलेल्या शेवया घरातील सगळ्यांचं खूप जास्त आवडतील.