Recipe : लहान-मोठे सर्वांनाच आवडेल ही डिश, लेट नाईट क्रेव्हिंग्ससाठी घरी बनवा ‘चीज मॅगी’

Cheese Maggie Recipe : मॅगी सर्वांच्या आवडीची आहे, पण तुम्ही कधी चीज मॅगी बनवून खाल्ली आहे का? याची चव तुम्हाला बोट चाटायला भाग पाडेल... एकदा नक्की बनवून खा.

• लहान असो वा मोठे, भारतात मॅगी सर्वांच्या आवडीची आहे.
• तीच तीच मॅगी नाही यंदा चीज मॅगी खाऊन बघा.
• याची चव तुम्हाला ही रेसिपी पुन्हा पुन्हा ट्राय करण्यास भाग पाडेल.

आजच्या धावपळीच्या जीवनात पटकन तयार होणारे आणि चविष्ट असे पदार्थ सर्वांनाच आवडतात. मॅगी हा त्यातलाच एक लोकप्रिय पर्याय आहे. लहान मुलांपासून मोठ्यांपर्यंत सगळ्यांच्या आवडीचा हा पदार्थ काही मिनिटांत तयार होतो. मात्र, नेहमीची साधी मॅगी खाण्यापेक्षा त्यात थोडा वेगळेपणा आणला तर त्याची चव अधिकच वाढते.

Summer Special : उन्हाळ्यात घरीच बनवा गोड, चवदार अन् सुगंधित ‘गुलाब कुल्फी’, एकदाच बनवा आठवडाभर खा

चीज़ी मॅगी ही अशीच एक खास आणि रुचकर डिश आहे, जी मॅगीच्या चवीला एक क्रीमी आणि रिच ट्विस्ट देते. चीजमुळे मॅगी अधिक मऊ, स्वादिष्ट आणि आकर्षक बनते. विशेष म्हणजे ही रेसिपी बनवायला सोपी असून, घरी सहज उपलब्ध असलेल्या साहित्याने तयार करता येते. संध्याकाळच्या नाश्त्यासाठी, पावसाळ्यात गरमागरम खाण्यासाठी किंवा अचानक भूक लागल्यावर ही चीज़ी मॅगी एक उत्तम पर्याय ठरते. चला रेसिपी नोट करून घेऊयात

साहित्य:

• 1 पॅकेट मॅगी
• 1 कप पाणी
• 2 चीज स्लाइस किंवा ½ कप किसलेले चीज
• 1 छोटा कांदा (बारीक चिरलेला)
• 1 लहान टोमॅटो (बारीक चिरलेला)
• 1-2 हिरव्या मिरच्या (ऑप्शनल)
• ½ टीस्पून बटर
• मॅगी मसाला (पॅकेटमधील)
• चिमूटभर मीठ (गरजेनुसार)

आंबटगोड कच्च्या कैरीपासून झटपट बनवा चविष्ट आंबावडी, आंबट पदार्थाने वाढवा जिभेची चव

कृती:

• एका कढईत बटर गरम करून त्यात बारीक चिरलेला कांदा घालून हलका सोनेरी होईपर्यंत परतून घ्या.
• त्यात टोमॅटो आणि हिरव्या मिरच्या घालून 2-3 मिनिटे शिजवा.
• आता त्यात 1 कप पाणी घालून उकळी येऊ द्या.
• उकळी आल्यावर मॅगीचे नूडल्स आणि मसाला घाला.
• मध्यम आचेवर मॅगी शिजू द्या आणि हलवत रहा.
• मॅगी जवळजवळ शिजली की त्यात चीज स्लाइस किंवा किसलेले चीज घाला.
• चीज पूर्णपणे वितळेपर्यंत हलक्या हाताने मिसळा आणि गॅस बंद करा.
• गरमागरम चीज़ी मॅगी तयार आहे. हवी असल्यास वरून थोडे कोथिंबीर घालून सजवा आणि लगेच सर्व्ह करा.