Summer Special : उन्हाळ्यात घरीच बनवा गोड, चवदार अन् सुगंधित ‘गुलाब कुल्फी’, एकदाच बनवा आठवडाभर खा

Rose Kulfi Recipe : गुलाबी रंगाने नटलेली ही कुल्फी लहानांचेच काय तर मोठ्यांचेही लक्ष वेधून घेईल. उन्हाळ्याच्या उष्णतेपासून शरीराला थंडावा मिळवून देण्यासाठी तुम्ही घरीच गुलाबाची कुल्फी तयार करू शकता.

(फोटो सौजन्य: Pinterest)

Follow Us:

Follow Us:

• उन्हाळ्यात कुल्फीची मजाच काही वेगळी असते.
• उष्ण वातावरणात थंडगार कुल्फी मनाला शांती देऊन जाते.
• आज आम्ही तुमच्यासोबत गुलाब कुल्फीची रेसिपी शेअर करत आहोत.

Summer Special : उन्हाळ्यात वाढतो डिहायड्रेशनचा त्रास; घरी बनवा थंडगार अन् चटपटीत चवीचा ‘पुदिना सरबत’

गुलाबाचा सुगंध मनाला शांत करणारा आणि ताजेतवाने करणारा असतो. त्यामुळे गुलाब कुल्फी केवळ चविष्टच नाही तर खूप रिफ्रेशिंगही वाटते. बाजारात अनेक प्रकारच्या कुल्फी मिळतात, पण घरच्या घरी बनवलेली गुलाब कुल्फी अधिक शुद्ध, नैसर्गिक आणि आरोग्यदायी असते. विशेष म्हणजे ही कुल्फी बनवण्यासाठी तुम्हाला जास्त साहित्य किंवा मशीनची गरज नसते. अगदी सोप्या पद्धतीने तुम्ही ही रिच, क्रीमी आणि स्वादिष्ट कुल्फी तयार करू शकता. चला तर मग गुलाब कुल्फीची रेसिपी जाणून घेऊया.

साहित्य:

• 1 लिटर फुल फॅट दूध
• 1/2 कप साखर
• 2-3 चमचे गुलाब सिरप
• 1 चमचा गुलाबजल
• 8-10 काजू (चिरलेले)
• 8-10 बदाम (चिरलेले)
• 4-5 पिस्ते (चिरलेले)
• 1/4 चमचा वेलची पूड

कृती:

• सर्वप्रथम जाड बुडाच्या पातेल्यात दूध घालून मध्यम आचेवर उकळायला ठेवा.
• दूध सतत हलवत राहा आणि ते अर्धे होईपर्यंत आटवा.
• आता त्यात साखर घालून चांगले मिसळा आणि 2-3 मिनिटे शिजू द्या.
• त्यानंतर गुलाब सिरप, गुलाबजल आणि वेलची पूड घाला.
• चिरलेले काजू, बदाम आणि पिस्ते घालून मिश्रण छान एकजीव करा.
• गॅस बंद करून मिश्रण पूर्णपणे थंड होऊ द्या.
• थंड झालेलं मिश्रण कुल्फीच्या साच्यात किंवा छोट्या कपात ओता.
• 6-8 तास किंवा रात्रभर फ्रीजरमध्ये सेट होण्यासाठी ठेवा.
• तयार कुल्फी साच्यातून काढून थंडगार सर्व्ह करा.
• अधिक गुलाबी रंगासाठी थोडं बीटरूट ज्यूस घालू शकता (नैसर्गिक रंगासाठी).
• अधिक क्रीमी टेक्स्चर हवे असेल तर थोडी साय (मलाई) घालू शकता.
• साखरेऐवजी कंडेन्स्ड मिल्क वापरल्यास चव अजून रिच होते.

Web Title: Summer special make sweet cooling and aromatic rose kulfi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com