Recipe : मेथाची भाजी नाही कुरकुरीत वडा वाढवेल जेवणाची चव… आजच नोट करा भन्नाट रेसिपी

Methi Vada Recipe : मेथी वडा हा दक्षिण आणि पश्चिम भारतातील एक लोकप्रिय स्नॅक्सचा प्रकार आहे. याची कुरकुरीत चव संध्याकाळच्या नाश्त्यासाठी पदार्थाला उत्तम पर्याय बनवते. तुम्ही एकदा तरी ही रेसिपी ट्राय करायला हवी.

• मेथीचा कुरकुरीत वडा तुम्ही कधी खाल्ला आहे का?
• मेथी आरोग्यासाठी फायदेशीर.
• पण याची भाजी आवडत नसल्यास याचा क्रस्पी वडा बनूवन खाऊ शकता.

मेथी वडा हा पारंपरिक आणि पौष्टिक असा नाश्त्याचा किंवा चहासोबत खाण्याचा उत्तम पदार्थ आहे. ताजी मेथीची पाने, बेसन आणि सुगंधी मसाल्यांचा वापर करून तयार होणारे हे वडे खुसखुशीत बाहेरून आणि आतून मऊसर असतात. मेथीमध्ये असलेले पोषक घटक आरोग्यासाठी फायदेशीर असतात, त्यामुळे हा पदार्थ चव आणि आरोग्य यांचा सुंदर समतोल साधतो. विशेषतः पावसाळ्यात किंवा थंड हवेत गरमागरम मेथी वडे खाण्याची मजा काही वेगळीच असते.

पाहूनच तोंडाला पाणी सुटेल! घरी बनवा हिरव्या मसाल्यातील कुरकुरीत ‘पापलेट फ्राय’; चविष्ट आणि झटपट रेसिपी

घरी सहज उपलब्ध असलेल्या साहित्यामधून हा पदार्थ पटकन तयार करता येतो आणि पाहुण्यांसाठीही हा एक आकर्षक स्नॅक ठरतो. काही नवीन ट्राय करायचं असल्यास तुम्ही ही रेसिपी घरी बनवू शकता. चला तर मग, सोप्या पद्धतीने मेथी वडे कसे बनवायचे ते पाहूया.

साहित्य:

• ताजी मेथीची पाने – १ कप (बारीक चिरलेली)
• बेसन – १ कप
• तांदळाचे पीठ – २ टेबलस्पून
• हिरव्या मिरच्या – २ (बारीक चिरलेल्या)
• आलं – १ टीस्पून (किसलेले)
• लसूण – ३-४ पाकळ्या (ठेचलेल्या)
• हळद – १/४ टीस्पून
• लाल तिखट – १/२ टीस्पून
• धने-जिरे पावडर – १ टीस्पून
• मीठ – चवीनुसार
• थोडी कोथिंबीर
• पाणी – आवश्यकतेनुसार
• तळण्यासाठी तेल

सुट्टीच्या दिवशी करा माशांची मेजवानी! ताज्या ओल्या बोंबीलापासून झटपट बनवा चविष्ट हिरवे सार, नोट करून घ्या रेसिपी

कृती:

• एका भांड्यात चिरलेली मेथी, बेसन आणि तांदळाचे पीठ एकत्र घ्या.
• त्यात हिरव्या मिरच्या, आलं, लसूण, हळद, लाल तिखट, धने-जिरे पावडर, मीठ आणि कोथिंबीर घालून चांगलं मिसळा.
• आवश्यकतेनुसार थोडं थोडं पाणी घालत घट्टसर मिश्रण तयार करा. मिश्रण खूप पातळ होऊ देऊ नका.
• कढईत तेल गरम करा. तेल योग्य तापमानाला आलं की हाताने किंवा चमच्याने छोटे छोटे वडे तेलात सोडा.
• वडे मध्यम आचेवर सोनेरी आणि खुसखुशीत होईपर्यंत तळा.
• तळलेले वडे टिश्यू पेपरवर काढा जेणेकरून अतिरिक्त तेल निघून जाईल.
• गरमागरम मेथी वडे हिरवी चटणी किंवा टोमॅटो सॉसबरोबर सर्व्ह करा.
• खुसखुशीत, चवदार आणि पौष्टिक मेथी वडे तयार आहेत. घरच्या घरी बनवलेला हा पदार्थ सगळ्यांना नक्कीच आवडेल.