कडू कारलंही होईल आवडीचं! एकदा घरी नक्की बनवून पहा भरलेलं कारलं; अस्सल मराठी चवीची भन्नाट रेसिपी

कारलं हे आपल्या आरोग्यासाठी अत्यंत फायदेकारक असतं. मात्र याची कडू चव अनेकांना आवडत नाही अशात आम्ही तुम्हाला सांगतो की, तुम्ही यापासून भरलेलं कारलं तयार करू शकता. हे फारस कडू नसून चवीला अप्रतिम लागतं.

कारलं ही एक अशी भाजी आहे, जी लहानांनाच काय तर मोठ्यांनाही खायला फारशी आवडत नाही. अशात आज आम्ही तुमच्यासाठी कारल्याची एक भन्नाट आणि चविष्ट रेसिपी घेऊन आलो आहोत. पारंपरिक पद्धतीने तयार केली जाणारी कारल्याची ही रेसिपी तुम्ही कारल्याच्या प्रेमात पडण्यास भाग पडेल. कारलं आपल्या शरीरासाठी खूप फायद्याचं असत, यात अनेक पोषक घटक असतात जे आपल्या आरोग्यासाठी फायदेशीर ठरतात आणि आपल्याला अनेक आजारांपासून दूर ठेवतात.

पावसाच्या थंड वातावरणात घरी बनवा गरमा गरम स्ट्रीट स्टाइल Chicken Momos

कारल्याची कडू भाजी खायला आवडत नसल्यास तुम्ही यापासून मसालेदार आणि चविष्ट असं भरलेलं कारलं तयार करू शकता. ही एक पारंपरिक डिश आहे जी जुन्या काळापासून तयार केली जात आहे. आजही अनेकांच्या घरी हा पदार्थ बनवला जातो मात्र तुम्हाला याची रेसिपी माहिती नसल्यास हा लेख तुमच्या कामी येईल. स्टफ्ड कारलं चवीला तर चांगलं लागतंच शिवाय हे बनवणंही फार सोपं आहे. चला तर मग जाणून घेऊया यासाठी लागणारे साहित्य आणि कृती.

साहित्य

• मध्यम आकाराची कारली – ५-६
• कांदा – २ मध्यम, बारीक चिरलेला
• लसूण – ५-६ पाकळ्या (बारीक केलेले)
• आले – १/२ इंचाचा तुकडा (बारीक केलेले)
• शेंगदाण्याचे कूट – २ टेबलस्पून
• सुकं खोबरं – २ टेबलस्पून
• गरम मसाला – १/२ टीस्पून
• धणे पूड – १ टीस्पून
• जिरे पूड – १/२ टीस्पून
• हळद – १/२ टीस्पून
• तिखट – १ टीस्पून (चवीनुसार)
• मीठ – चवीनुसार
• चिंच-गूळ पाण्याचा कोळ – २ टेबलस्पून
• तेल – ३-४ टेबलस्पून

नेहमीचे कांदापोहे खाऊन कंटाळा आल्यास सकाळच्या नाश्त्यासाठी झटपट बनवा पोह्यांचे चविष्ट कटलेट

कृती

• यासाठी सर्वप्रथम कारली सोलून त्याला उभी चीर द्या आणि बिया काढा
• त्यावर मीठ लावून ३०-४० मिनिटे ठेवा
• नंतर पाण्यात धुऊन हलकं उकळून घ्या किंवा पाण्यात चांगलं निथळा
• कढईत १-२ टेबलस्पून तेल गरम करा
• त्यात लसूण, आले आणि कांदा परतवा
• कांदा खरपूस झाल्यावर त्यात धणे पूड, जिरे पूड, हळद, तिखट, मीठ, गरम मसाला टाका
• नंतर शेंगदाण्याचं कूट, खोबरं आणि चिंच-गूळ कोळ टाकून सर्व मिश्रण एकजीव होईपर्यंत परतून घ्या
• गॅस बंद करून मसाला थोडा थंड होऊ द्या
• तयार मसाला प्रत्येक कारल्यात भरून घ्या
• कढईत थोडं तेल गरम करून कारल्या मंद आचेवर झाकण ठेवून परता
• मधून मधून परतत रहा जेणेकरून सर्व बाजूंनी खरपूस भाजल्या जातील
• १०-१५ मिनिटांनी तुमचं भरलेलं कारलं तयार होईल
• भरलेल्या कारल्यासोबत पोळी, पराठा किंवा भाताबरोबर खाल्ल्यास अधिक चवदार लागतात
• कडवटपणा अजून कमी करायचा असल्यास कारल्याच्या सोललेल्या सालींचाही उपयोग मसाल्यात करू शकता