घरच्या घरी बनवा हॉटेल सारखे टेस्टी आणि सॉफ्ट Chicken Seekh Kebab; चवीला मजेदार, विकेंडसाठी परफेक्ट

चिकन सीख कबाब हा एक असा पदार्थ आहे, जो अनेकदा हाॅटेल्समध्ये स्टार्टर्ससाठी ऑर्डर केला जातो. पण तुम्ही हा पदार्थ कधी घरी बनवून पाहिला आहे का? चला याची रेसिपी जाणून घेऊया.

नॉनव्हेज लव्हर्ससाठी विकेंडचा खास दिवस म्हणजे पर्वणीच! या सुट्टीच्या दिवशी अनेकांच्या घरी नाॅनव्हेजचे प्लॅन बनतात. चिकन-मटणची भाजी तर आपण बऱ्याचदा घरी बनवतो मात्र तुम्ही कधी हाॅटेलचा फेमस स्टार्टर चिकन सीख कबाब घरी बनवून पाहिला आहे का? यात चिकन किमा आणि मसाल्यांचा वापर करुन हे कबाब तयार केले जाते. चवीला हे फार छान लागतात. यात तुम्हाला चिकनची मऊदार चव अनुभवता येते.

काश्मिरी खाद्यसंस्कृतीतील लोकप्रिय पदार्थ Mutton Rogan Josh कधी चाखला आहे का? लगेच नोट करा रेसिपी

चिकन सीख कबाब ही एक स्वादिष्ट आणि झणझणीत कबाब डिश आहे जी विशेषतः उत्तर भारत आणि मुघलई पाककृतीमध्ये प्रसिद्ध आहे. ही कबाब डिश मुख्यतः कीमा चिकनपासून बनवली जाते आणि ती लोखंडी रॉडवर (सीख) लावून तंदूर किंवा ओव्हनमध्ये भाजली जाते. सीख कबाब स्नॅक्स, पार्टी किंवा कोणत्या खास प्रसंगी बनवण्यासाठी एक उत्तम पर्याय आहे. चला तर मग लगेच जाणून घेऊया यासाठी लागणारे साहित्य आणि कृती.

साहित्य

• चिकन कीमा – ५०० ग्रॅम
• कांदा – १ मोठा (बारीक किसलेला)
• आलं-लसूण पेस्ट – १ टेबलस्पून
• हिरवी मिरची – २ (बारीक चिरून)
• कोथिंबीर – २ टेबलस्पून (बारीक चिरलेली)
• पुदिना पाने – १ टेबलस्पून (ऐच्छिक)
• गरम मसाला – १ टीस्पून
• धणे पूड – १ टीस्पून
• जिरे पूड – ½ टीस्पून
• लिंबाचा रस – १ टेबलस्पून
• ब्रेडक्रम्स – २ टेबलस्पून (किंवा बेसन – १ टेबलस्पून)
• मीठ – चवीनुसार
• तेल – भाजण्यासाठी

जेवणाला तोंडी लावायला घरी बनवा झणझणीत शेंगदाण्याची चटणी; चव अशी की दोन घास जास्तीचे खाल

कृती

• चिकन सीख कबाब बनवण्यासाठी सर्वप्रथम चिकन कीमा थोडा वेळ मिक्सरमध्ये फिरवून मऊ करून घ्या, म्हणजे तो एकसंध आणि चिकट बनेल.
• एका मोठ्या परातीत कीमा, किसलेला कांदा, आलं-लसूण पेस्ट, हिरवी मिरची, कोथिंबीर, पुदिना, मसाले, लिंबाचा
• रस, ब्रेडक्रम्स/बेसन आणि मीठ घालून नीट मिक्स करा.
• मिश्रण थोडं घट्ट होण्यासाठी ३० मिनिटांसाठी फ्रिजमध्ये ठेवा.
• तेल लावलेल्या हाताने मिश्रण घेऊन लोखंडी सीखवर लांबट आकारात थोडा दाब देऊन चिकटवा. (जर सीख
• नसेल तर हाताने लांबट पॅटीसप्रमाणे तयार करा.)
• १८०°C वर २०-२५ मिनिटं शिजवा. मध्ये एकदा पलटवा आणि वरून थोडं तेल ब्रश करा.
• तवा गरम करून त्यावर थोडं तेल टाका. सीख कबाब मध्यम आचेवर दोन्ही बाजूंनी कुरकुरीत होईपर्यंत भाजून घ्या.
• गरमागरम कबाब तुम्ही पुदिना चटणी, कांदा आणि लिंबाच्या फोडीसह सर्व्ह करु शकता.
• मिश्रण फार सैल वाटल्यास थोडेसे ब्रेडक्रम्स किंवा बेसन वाढवू शकता.
• अधिक मसालेदार चव हवी असल्यास बारीक आलेली लाल तिखट घालू शकता.