Summer Recipe : उन्हाळयात आता घरीच बनवा थंडगार आणि सर्वांच्या आवडीचा ‘फालुदा’, रेसिपी नोट करा

Falooda Recipe : उन्हाळ्यात थंड गोष्टी मनाला अधिक सुख देऊन जातात. आम्ही तुम्हाला सांगतो की, या सीजनमध्ये तुम्ही घरी थंडगार असा फालुदा तयार करू शकता. याची रेसिपी आहे फार सोपी.

• उन्हाळ्यात थंड पदार्थ मनाला शांती देतात.
• याकाळात तुम्ही घरीच गोड आणि थंडगार असा फालुदा तयार करू शकता.
• चला याची रेसिपी नोट करून घेऊया.

उन्हाळ्यात शरीराला थंडावा देणारे गोड आणि ताजेतवाने पेय म्हटले की फालुदा हे नाव सर्वात आधी आठवते. रेस्टॉरंट किंवा आईस्क्रीम पार्लरमध्ये मिळणारा फालुदा अनेकांना आवडतो, पण तो घरीसुद्धा अगदी सोप्या पद्धतीने तयार करता येतो. फालुदाची मूळ परंपरा पर्शियन खाद्यसंस्कृतीशी जोडलेली आहे, पण भारतात येऊन त्यात अनेक चविष्ट बदल झाले. गुलाब सिरप, ड्रायफ्रूट्स आणि आईस्क्रीममुळे या डेझर्टला एक वेगळीच श्रीमंती चव मिळते. खासकरून उन्हाळ्याच्या दिवसांत जेवणानंतर गोड म्हणून किंवा संध्याकाळी थंड पेय म्हणून फालुदा खाण्याचा आनंद काही वेगळाच असतो.

इटालियन सॅंडविच प्रकार : संध्याकाळच्या नाश्त्यासाठी घरी बनवून पहा ‘चिकन पानिनी’, चवीने घरचे सर्वच होतील खुश

घरच्या घरी बनवलेला फालुदा केवळ चविष्टच नसतो, तर त्यात आपण आपल्या आवडीनुसार घटक वाढवू किंवा कमी करू शकतो. कमी वेळात तयार होणारी ही रेसिपी मुलांपासून मोठ्यांपर्यंत सगळ्यांनाच आवडते. चला तर मग घरीच थंडगार आणि स्वादिष्ट फालुदा कसा बनवायचा याची रेसिपी जाणून घेऊया.

 साहित्य

• 2 कप थंड दूध
• 2 चमचे सब्जा (तुळशीचे बी)
• 1/2 कप फालुदा सेवई
• 3–4 चमचे गुलाब सिरप
• 2 स्कूप व्हॅनिला आईस्क्रीम
• 2 चमचे साखर (ऑप्शनल)
• बदाम आणि पिस्त्याचे काप
• थोडे टूटी-फ्रूटी

जिभेला सुटेल पाणी! आंबट गोड कच्च्या कैरीपासून घरीच बनवा कोशिंबीर, गरमागरम भाकरीसोबत लागेल चविष्ट

कृती 

• सर्वप्रथम सब्जा बिया एका वाटीत पाण्यात 10–15 मिनिटे भिजवून ठेवा. त्या फुगून पारदर्शक होतील.
• फालुदा सेवई गरम पाण्यात 3–4 मिनिटे उकळून घ्या. नंतर थंड पाण्याने धुऊन बाजूला ठेवा.
• दूध थंड करून त्यात साखर घालून चांगले हलवा.
• सर्व्हिंग ग्लासमध्ये सर्वात आधी गुलाब सिरप घाला.
• यानंतर भिजवलेले सब्जा आणि उकडलेल्या सेवई घाला.
• वरून थंड दूध ओता आणि त्यावर व्हॅनिला आईस्क्रीमचा स्कूप ठेवा.
• शेवटी बदाम, पिस्ता आणि टूटी-फ्रूटी घालून थंडगार फालुदा सर्व्ह करा.
• तुम्ही यात स्ट्रॉबेरी सिरप, चॉकलेट सिरप किंवा कुल्फी घालूनही वेगवेगळ्या फ्लेवर्सचा फालुदा तयार करू शकता.