Recipe : नेहमीची बोरिंग भाजी टाळा, यंदा घरी बनवा रेस्टाॅरंट स्टाईल ‘भेंडी दो प्याजा’, झटपट आहे रेसिपी

Bhendi Do Pyaja Recipe : तीच तीच नेहमीची भेंडीची भाजी खाऊन कंटाळा आला आहे का? मग एकदा नक्की घरी बनवा रेस्टाॅरंट स्टाईल भेंडी दो प्याजा. ही डिश नेहमीच्या बोरिंग भाजीला मजेदार बनवेल.

• नेहमीची भेंडीची भाजी कंटाळवाणी वाटते.
• तुम्ही कधी भेंडी दो प्याजा डिश ट्राय केली आहे का?
• ही रेसिपी एकदा नक्की घरी बनवून पाहा.

भारतीय स्वयंपाकात भेंडी ही अनेकांच्या आवडीची भाजी मानली जाते. तिच्या वेगवेगळ्या प्रकारांपैकी भिंडी दो प्याजा हा उत्तर भारतीय शैलीतील अतिशय चविष्ट आणि सुगंधी पदार्थ आहे. या भाजीचे वैशिष्ट्य म्हणजे भरपूर प्रमाणात वापरलेला कांदा. भेंडी व्यवस्थित परतून तिचा चिकटपणा कमी केला जातो आणि त्यानंतर मसाले व कांद्याची जोड दिली जाते. त्यामुळे प्रत्येक घासात भेंडीची नैसर्गिक चव आणि कांद्याचा गोडसर स्वाद अनुभवायला मिळतो. ही भाजी दैनंदिन जेवणासाठी जितकी योग्य आहे, तितकीच पाहुणचारासाठी किंवा खास जेवणातही उठून दिसते. गरम चपाती, तंदुरी रोटी, पराठे किंवा साध्या वरण-भातासोबतही भिंडी दो प्याजा अप्रतिम लागते. कमी साहित्य, सोपी कृती आणि रेस्टॉरंटसारखी चव यामुळे ही रेसिपी प्रत्येकाने एकदा तरी नक्की ट्राय करायला हवी.

Recipe : रात्रीच्या जेवणाला बनवा गावरान पद्धतीत चविष्ट ‘खारं वांग’, याची चव कुटुंबातील सर्वांनाच करेल खुश

साहित्य

• २५० ग्रॅम ताजी भेंडी
• २ मोठे कांदे (एक लांब चिरलेला, एक पाकळ्यांमध्ये कापलेला)
• २ टोमॅटो बारीक चिरलेले
• २ हिरव्या मिरच्या उभ्या चिरलेल्या
• १ टीस्पून आलं-लसूण पेस्ट
• १/२ टीस्पून हळद
• १ टीस्पून लाल तिखट
• १ टीस्पून धणेपूड
• १/२ टीस्पून जिरेपूड
• १/२ टीस्पून गरम मसाला
• १/२ टीस्पून आमचूर पावडर (ऑप्शनल)
• १/२ टीस्पून जिरे
• २ ते ३ टेबलस्पून तेल
• चवीनुसार मीठ
• सजावटीसाठी कोथिंबीर

बाहेरून कुरकुरीत आतून मऊ! सकाळच्या नाश्त्यासाठी झटपट बनवा रेस्टॉरंट स्टाईल पनीर पॅटीस, नोट करा रेसिपी

कृती

• भेंडी स्वच्छ धुवून पूर्णपणे कोरडी करा. नंतर तिचे मध्यम आकाराचे तुकडे करून बाजूला ठेवा.
• कढईत थोडे तेल गरम करून भेंडी ७–८ मिनिटे मध्यम आचेवर परता. ती हलकी कुरकुरीत झाली की बाहेर काढून ठेवा.
• त्याच कढईत उरलेले तेल गरम करून जिरे तडतडू द्या. त्यानंतर लांब चिरलेला कांदा घालून सोनेरी रंग येईपर्यंत परता.
• आलं-लसूण पेस्ट, हिरव्या मिरच्या आणि टोमॅटो घालून मऊ होईपर्यंत शिजवा. मग हळद, लाल तिखट, धणेपूड, जिरेपूड आणि मीठ घालून मसाला तेल सुटेपर्यंत परता.
• आता कांद्याच्या पाकळ्या घालून २–३ मिनिटे परता, जेणेकरून त्या किंचित मऊ होतील पण त्यांचा कुरकुरीतपणा टिकून राहील.
• परतलेली भेंडी मसाल्यात घाला. गरम मसाला आणि आमचूर पावडर घालून सर्व साहित्य हलक्या हाताने एकत्र करा. ३–४ मिनिटे मंद आचेवर शिजवा.
• गॅस बंद करून वरून ताजी कोथिंबीर भुरभुरा. गरमागरम भिंडी दो प्याजा फुलका, पराठा किंवा जिऱ्याच्या भातासोबत सर्व्ह करा.