Recipe : रात्रीच्या जेवणाला बनवा गावरान पद्धतीत चविष्ट ‘खारं वांग’, याची चव कुटुंबातील सर्वांनाच करेल खुश

Khar Vang Recipe : तुम्हालाही वांग्याची भाजी खायला आवडत नाही मग ही रेसिपी एकदा तुम्ही नक्की ट्राय करायला हवी. गावाकडे खाऱ्या वांग्याची डिश खूप लोकप्रिय असून याची रेसिपी सोपी आहे.

(फोटो सौजन्य: Youtube)

Follow Us:

Follow Us:

• खारं वांग हे महाराष्ट्रीयन खाद्यसंस्कृतील एक चविष्ट पदार्थ आहे.
• गावाकडे ही भाजी अधिकतर खाल्ली जाते.
• चला रेसिपी जाणून घेऊया.

Recipe : झणझणीत अस्सल गावरान चवीचा कोल्हापूरी तांबडा रस्सा कसा बनवायचा? रेसिपी नोट करा

साहित्य

• लहान वांगी – २५० ग्रॅम
• भाजलेल्या शेंगदाण्याचा कूट – अर्धी वाटी
• लसूण पाकळ्या – ८ ते १०
• हिरव्या मिरच्या – ५ ते ६ (चवीनुसार)
• बारीक चिरलेली कोथिंबीर – २ टेबलस्पून
• हळद – ¼ टीस्पून
• हिंग – चिमूटभर
• मोहरी – ½ टीस्पून
• जिरे – ½ टीस्पून
• तेल – ३ टेबलस्पून
• मीठ – चवीनुसार

कृती

• वांगी स्वच्छ धुऊन कोरडी करून घ्या. प्रत्येक वांग्याला देठ न काढता क्रॉस आकाराच्या चिरा द्या, मात्र वांगे पूर्ण कापले जाणार नाही याची काळजी घ्या.
• खलबत्त्यात लसूण, हिरव्या मिरच्या आणि थोडे मीठ घालून जाडसर वाटून तिखटसर ठेचा तयार करा.
• एका परातीत शेंगदाण्याचा कूट, तयार ठेचा, हळद, चिरलेली कोथिंबीर आणि थोडे तेल घालून सर्व साहित्य चांगले एकत्र मिसळा. आवश्यक वाटल्यास चिमूटभर मीठ घाला.
• हा मसाला प्रत्येक वांग्याच्या चिरांमध्ये भरपूर प्रमाणात भरून घ्या, जेणेकरून प्रत्येक घास मसालेदार लागेल.
• कढईत तेल गरम करून त्यात मोहरी, जिरे आणि हिंगाची फोडणी द्या. फोडणी तयार झाल्यावर मसाला भरलेली
• वांगी हलक्या हाताने कढईत मांडून उरलेला मसालाही वरून पसरवा.
• दोन-तीन मिनिटे वांगी सावकाश परतून घ्या. त्यानंतर झाकण ठेवून अतिशय मंद आचेवर १० ते १५ मिनिटे शिजवा.
• मध्येच एक-दोन वेळा अलगद पलटवा, त्यामुळे वांगी सर्व बाजूंनी समान शिजतील.
• वांगी मऊ झाली आणि मसाल्याला तेल सुटू लागले की गॅस बंद करा.
• चविष्ट गावरान खारं वांगं गरमागरम ज्वारी किंवा बाजरीच्या भाकरीसोबत, कांदा आणि ठेच्यासह वाढा.र्व्ह करा. इच्छेनुसार लोणचे किंवा हिरव्या चटणीसोबत त्याचा आस्वाद घ्या.

Web Title: How to make village style khar vang note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com