Malai Chaap Recipe : रेस्टाॅरंट स्टाईल मलाई चाप घरी बनवायचाय? मग ही रेसिपी फाॅलो करा

Malai Chaap Recipe : मलाई चाप ही एक क्रिमी आणि हलकी मसालेदार डिश आहे. तुम्ही ही डिश घरी देखील अगदी सहज आणि सोप्या पद्धतीने तयार करु शकता. चला रेस्टाॅरंट स्टाईल मलाई चाप बनवण्याची रेसिपी जाणून घेऊया.

• मलाई चाप हा एक स्टार्टरचा पदार्थ आहे.
• ही डिश लहानांपासून मोठ्यांपर्यंत सर्वांनाच खायला फार आवडतात.
• ही डिश तुम्ही घरी देखील सहज बनवू शकता.

मलाई चाप ही उत्तर भारतीय खाद्यसंस्कृतीतील एक लोकप्रिय आणि स्वादिष्ट डिश आहे. रेस्टॉरंटमध्ये मिळणारी मलाई चाप अनेकांना आवडते, परंतु ती घरीही अगदी सहज तयार करता येते. विशेष पाहुणे घरी येणार असतील, कुटुंबासोबत खास जेवणाचा बेत असेल किंवा विकेंडला काहीतरी वेगळे बनवायचे असेल तर मलाई चाप हा उत्तम पर्याय ठरतो.

लहान मुलांसाठी अतिशय पौष्टिक नाश्ता! १० मिनिटांमध्ये वाटीभर नाचणीच्या पिठापासून बनवा चॉकलेट पॅनकेक, सगळेच खातील आवडीने

याचा क्रीमी टेक्स्चर आणि हलकी मसालेदार चव  यामुळे ही डिश लहानांपासून मोठ्यांपर्यंत सर्वांच्या पसंतीस उतरते. ही एक स्टार्टर डिश असून रुमाली रोटीसोबत याची चव आणखीनच खुलते. चला रेस्टॉरंट स्टाईल मलई चाप घरी कसा तयार करायचा याची एक सोपी रेसिपी जाणून घेऊया.

साहित्य:

• 250 ग्रॅम सोया चाप
• 1/2 कप ताजी मलई
• 1/2 कप दही
• 1 टेबलस्पून आले-लसूण पेस्ट
• 1 टीस्पून हिरवी मिरची पेस्ट
• 1/2 टीस्पून काळी मिरी पावडर
• 1/2 टीस्पून गरम मसाला
• 1 टेबलस्पून काजू पेस्ट
• 1 टेबलस्पून बटर
• 1 टेबलस्पून तेल
• चवीनुसार मीठ
• सजावटीसाठी कोथिंबीर

Monsoon Special : पावसाळ्यात घरी बनवून खा खमंग आणि कुरकुरीत चवीचा ‘झिंगा फ्राय’

कृती:

• सर्वप्रथम सोया चापचे मध्यम आकाराचे तुकडे करून घ्या. एका भांड्यात दही, मलई, आले-लसूण पेस्ट, हिरवी
• मिरची पेस्ट, काजू पेस्ट, काळी मिरी, गरम मसाला आणि मीठ एकत्र करून मॅरिनेड तयार करा.
• या मिश्रणात सोया चाप घालून चांगले माखून घ्या आणि किमान 30 मिनिटे मुरण्यासाठी ठेवा. त्यामुळे चापमध्ये मसाल्यांची चव छान मुरते.
• कढईत तेल आणि बटर गरम करा. त्यात मुरवलेले सोया चाप घालून मध्यम आचेवर हलक्या हाताने परता.
• चापला सोनेरी रंग येऊ लागल्यावर उरलेले मॅरिनेड मिश्रण त्यात घाला आणि काही मिनिटे शिजवा.
• मिश्रण घट्ट व क्रीमी होईपर्यंत सतत ढवळत राहा. आवश्यक वाटल्यास थोडे पाणी घालू शकता.
• चाप पूर्णपणे शिजल्यावर गॅस बंद करा आणि वरून थोडी ताजी मलई घाला.
• गरमागरम मलाई चाप कोथिंबिरीने सजवून नान, पराठा किंवा रुमाली रोटीसोबत सर्व्ह करा.