Recipe : गोड खा पण शुगरची चिंता सोडा, विनसाखर अशाप्रकारे बनवा ‘रताळ्याचा हलवा’

Sweet Potato Halwa : हिवाळ्याच्या दिवसांत रताळे बाजारात मोठ्या प्रमाणात विक्रीसाठी येतात. थंडीच्या वातावरणात याचे सेवन आरोग्यासाठीही फायदेशीर ठरते अशात तुम्ही यापासून गोडसर आणि चविष्ट असा हलवा तयार करू शकता.

(फोटो सौजन्य – Pinterest)

Follow Us:

Follow Us:

• थंडीच्या दिवसांत रताळे भरपूर्ण खाल्ले जातात
• रताळे भाजून किंवा उकडून खाण्याऐवजी तुम्ही यापासून चविष्ट असा हलवा तयार करू शकता
• हा हलवा पौष्टिक ठरेल कारण यात साखरेचा नाही तर गुळाचा वापर केला जाणार आहे

Sankashti Special : तेच तेच बोरिंग पदार्थ सोडा, यंदा उपवासाला बनवा टेस्टी बटाटा पॅटिस 

साहित्य

• रताळे – ३ मोठे
• तूप – २ ते ३ टेबलस्पून
• दूध – १ कप
• गूळ – ½ कप (किसलेला)
• वेलदोडा पावडर – ¼ टीस्पून
• काजू – ८ ते १०
• बदाम – ८ ते १०

• सर्वप्रथम रताळे व स्वच्छ धुवून घ्या. नंतर प्रेशर कुकरमध्ये किंवा भांड्यात मऊ होईपर्यंत उकळून घ्या. उकडल्यानंतर पूर्ण थंड होऊ द्या आणि त्याची साल काढा.
• उकडलेले रताळे एका भांड्यात छान मॅश करून घ्या. कढई गरम करून त्यात एक चमचा तूप घाला. तूप गरम झाले की काजू-बदाम हलके सोनेरी होईपर्यंत परतून एक ताटात काढून ठेवा.
• आता त्याच कढईत थोडे अजून तूप घाला आणि मॅश केलेले रताळे टाका. सतत ढवळत २–३ मिनिटे परता. मग त्यात दूध घाला आणि मिश्रण घट्ट होईपर्यंत शिजू द्या.
• मिश्रण घट्ट झाल्यावर किसलेला गूळ आणि वेलदोडा पावडर घाला. गूळ पूर्ण वितळेपर्यंत आणि हलवा
• चमच्याला सुटेपर्यंत शिजवा. शेवटी भाजलेले काजू-बदाम घालून हलक्या हाताने मिसळा.
• गरमागरम, सुगंधी रताळ्याचा हलवा पाहुण्यांना किंवा कुटुंबाला सर्व्ह करा.

रताळ्याचे फायदे :

• रताळ्यामध्ये व्हिटॅमिन ए (बीटा-कॅरोटीन), व्हिटॅमिन सी, पोटॅशियम, मॅग्नेशियम आणि फायबर मोठ्या प्रमाणात आढळून येते.
• यातील अँटिऑक्सिडंट्स आणि व्हिटॅमिन सी शरीराची रोगप्रतिकारशक्ती वाढवतात आणि फायबर पोट भरलेले ठेवते.
• याचे सेवन रक्तदाब नियंत्रणात राहण्यास मदत करते, जे हृदयासाठी चांगले आहे.
• व्यायामापूर्वी रताळे खाल्ल्यास भरपूर ऊर्जा मिळते आणि रक्तातील साखर नियंत्रणात राहण्यास मदत होते.
• यातील बीटा-कॅरोटीन डोळ्यांच्या आरोग्यासाठी आवश्यक आहे.

Web Title: Make tasty sweet potato halwa without sugar recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com