रविवार, 8 नोव्हेंबर 2026
सौजन्य फोटो - सोशल मिडीया
मिळालेल्या माहितीनुसार, शुभांगीचा विवाह अवघ्या सहा महिन्यांपूर्वी गाढेपिंपळगाव येथील गौरव संजय वाघचौरे याच्याशी झाला होता. नवीन संसाराची सुंदर स्वप्ने डोळ्यांत घेऊन तिने सासरी पाऊल ठेवले होते. मात्र, लग्नानंतर अवघ्या महिनाभरातच हुंड्यावरून तिचा छळ सुरू झाल्याचा गंभीर आरोप तिच्या आईने केला आहे. शुभांगीच्या माहेरून हुंड्यातील उरलेले ५० हजार रुपये घेऊन येण्यासाठी पती आणि सासरच्या इतर मंडळींकडून तिचा शारीरिक आणि मानसिक छळ केला जात होता.
सततच्या या त्रासाला कंटाळून शुभांगीने शनिवारी टोकाचे पाऊल उचलत गळफास घेतला. या घटनेनंतर मृत शुभांगीची आई नीता रवळे यांनी विरगाव पोलीस ठाण्यात फिर्याद दिली. त्यांच्या फिर्यादीवरून पोलिसांनी पती गौरव संजय वाघचौरे, सासरे संजय लक्ष्मण वाघचौरे, विमल संजय वाघचौरे, नवनाथ संजय वाघचौरे आणि शीतल नवनाथ वाघचौरे यांच्याविरोधात हुंडा प्रतिबंधक कायद्याअंतर्गत आणि इतर विविध कलमांतर्गत गुन्हा दाखल केला आहे. हुंड्याच्या जाचातून एका तरुण मुलीचा जीव गेल्यामुळे परिसरात तीव्र संताप व्यक्त केला जात असून, पोलीस या घटनेचा सविस्तर तपास करत आहेत.
Ans: ही घटना छत्रपती संभाजीनगर जिल्ह्यातील वैजापूर तालुक्यातील गाढेपिंपळगाव येथे घडली आहे.
Ans: आत्महत्या केलेल्या नवविवाहितेचे नाव शुभांगी गौरव वाघचौरे असून तिचे वय २१ वर्षे होते.
Ans: शुभांगीच्या लग्नाला अवघे सहा महिने झाले होते. हुंड्यातील उरलेल्या ५० हजार रुपयांसाठी सासरच्या मंडळींकडून होणाऱ्या शारीरिक आणि मानसिक छळाला कंटाळून तिने हे पाऊल उचलले.
