पावसाळ्याची मजा करा द्विगुणित; ऋतू संपायच्या आत घरी बनवून खा कुरकुरीत Corn Cutlet

पावसाळा सुरु झाला आहे अशात आज आम्ही तुमच्यासाठी एक चवदार आणि कुरकुरीत अशी रेसिपी घेऊन आलो आहोत. या रेसिपीचे नाव आहे कॉर्न कटलेट, चवीला कुरकुरीत लागणारे हे कटलेट संध्याकाळच्या नाश्त्यासाठी एक उत्तम पर्याय आहेत.

पावसाळा ऋतू म्हणजे अनेक सिजनल पदार्थांची मेजवानी! या ऋतूत अनेक भाज्या, फळं बाजरात मोठ्या प्रमाणात विक्रीसाठी येत असतात. सिजनल भाज्या-फळांचे सेवन आपल्या आरोग्यासाठी खूप फायद्याचे असते त्यामुळे यांचे सेवन आवर्जून करावे. मान्सूनमध्ये बाजारात मका मोठ्या प्रमाणात येतो. मका कुणाला खायला आवडत नाही यापासून आपण अनेक पदार्थ बनवू शकतो अशातच आज आम्ही तुमच्यासाठी मक्याची एक नवीन आणि चविष्ट रेसिपी घेऊन आलो आहोत. याचे नाव आहे कॉर्न कटलेट, मक्याचे हे कुरकुरीत कटलेट संध्याकाळच्या नाश्त्यासाठी एक उत्तम पर्याय आहे.

Sunday होईल आणखीनच मजेदार! सकाळच्या नाश्त्यासाठी झटपट बनवा बटाटा सँडविच, नोट करा रेसिपी

कॉर्न कटलेट ही एक चविष्ट आणि कुरकुरीत स्नॅक डिश आहे, जी मक्याच्या दाण्यांपासून तयार केली जाते. ही रेसिपी खास करून मुलांसाठी किंवा पाहुण्यांच्या स्वागतासाठी आदर्श आहे. बाहेरून कुरकुरीत आणि आतून मऊसर असलेले हे कटलेट्स सॉस किंवा चटणीसोबत दिले की संध्याकाळच्या चहा सोबत चवदार साथ मिळते. चला जाणून घेऊया यासाठी लागणारे साहित्य आणि कृती.

साहित्य:

• उकडलेले मकेचे दाणे – १ कप
• उकडलेले बटाटे – २ मध्यम आकाराचे
• ब्रेड क्रम्ब्स – १/२ कप (जाडसर)
• हिरवी मिरची-आद्रक पेस्ट – १ चमचा
• कोथिंबीर (बारीक चिरून) – २ चमचे
• लिंबाचा रस – १ चमचा
• गोडा मसाला किंवा गरम मसाला – १/२ चमचा
• लाल तिखट – १/२ चमचा
• मीठ – चवीनुसार
• तेल – तळण्यासाठी

स्वयंपाक घरातील ‘या’ पदार्थांचा वापर करून बनवा रवाळ कलाकंद, नोट करून स्वादिष्ट गोड पदार्थ

कृती:

• यासाठी सर्वप्रथम मिक्सरमध्ये मकेचे दाणे थोडे भरड वाटून घ्या. त्यात उकडलेले बटाटे, हिरवी मिरची-आद्रक
• पेस्ट, मीठ, तिखट, गोडा मसाला, लिंबाचा रस आणि कोथिंबीर घालून सर्व एकत्र करा.
• या मिश्रणाचे समान आकाराचे छोटे गोळे करून पॅटीससारखा आकार द्या.
• प्रत्येक कटलेटला ब्रेड क्रम्ब्समध्ये घोळवा जेणेकरून बाहेरून कुरकुरीत होतील.
• कढईत तेल गरम करा. मध्यम आचेवर कटलेट तळा, दोन्ही बाजूंनी सोनेरी तपकिरी रंग येईपर्यंत.
• हे गरमागरम कटलेट टोमॅटो केचप किंवा हिरव्या चटणीसोबत सर्व्ह करा.
• मक्याचे दाणे खूप बारीक वाटू नयेत; हलकं भरड वाटलेले अधिक चविष्ट लागतात.
• तुम्ही हवे असल्यास चीजचे बारीक तुकडे भराव्यात म्हणून वापरू शकता.
• हे कटलेट्स शॅलो फ्राय किंवा एअर फ्राय करून आरोग्यदायी बनवता येतात.
• हे कुरकुरीत आणि चवदार कॉर्न कटलेट्स तुमच्या घरच्यांना नक्कीच आवडतील