हाडांसह संपूर्ण आरोग्यासाठी प्रभावी ठरेल Multivitamin चटणी! नोट करून घ्या चटणी बनवण्याची रेसिपी, तब्येत राहील निरोगी

वय वाढल्यानंतर शरीरात अनेक बदल होतात. ज्यामुळे काहीवेळा थकवा, अशक्तपणा जाणवू लागतो. अशावेळी आहारात मल्टीविटामिन चटणीचे सेवन करावे. जाणून घ्या मल्टीविटामिन चटणी बनवण्याची सोपी रेसिपी.

जेवणाच्या ताटात अनेकांना कायमच वेगवेगळ्या चटणी खायला खूप जास्त आवडतात. खोबऱ्याची चटणी, तिळाचे चटणी, लसूण चटणी, अळशीच्या बियांची चटणी इत्यादी अनेकल वेगवेगळ्या पदार्थांपासून चटणी बनवली जाते. चटणी कायमच तुम्ही चपाती, भाकरी आणि वाफाळत्या भातासोबत खाल्ली जाते. चटणी हा पदार्थ आठवडाभर किंवा महिनाभर व्यवस्थित टिकून राहतो. वाढत्या वयात शरीराला विटामिनची आवश्यकता असते. कारण हाडांमध्ये वाढलेल्या वेदना, मासिक पाळीच्या समस्या, गुडघे दुखणे, कंबर दुखणे इत्यादी अनेक समस्या उद्भवतात. त्यामुळे शरीराला मल्टीविटामिनची आवश्यकता असते. तसेच आहारात वेगवेगळ्या भाज्या, फळे आणि सुका मेवा इत्यादी पदार्थांचे सेवन करावे. म्हणूनच आज आम्ही तुम्हाला मल्टीविटामिन चटणी बनवण्याची सोपी रेसिपी सांगणार आहोत. नियमित १ चमचा चटणीचे सेवन केल्यास शरीराला सुद्धा अनेक फायदे होतील आणि कायमच आरोग्य निरोगी राहील. चला तर जाणून घेऊया मल्टीविटामिन चटणी बनवण्याची सोपी रेसिपी.(फोटो सौजन्य: Pinterest)

Ragi Thalipeeth Recipe: घाईगडबडीच्या वेळी सकाळच्या नाश्त्यात बनवा खमंग टेस्टी नाचणीच्या पिठाचे थालीपीठ, पोट राहील भरलेले

साहित्य:

• शेवग्याची पाने
• लसूण
• शेंगदाणे
• तीळ
• चिंच
• जिरं
• धणे
• लाल तिखट
• तीळ
• फुटाणे
• गूळ

अनारसे बनवताना चुका होतात? ‘या’ सोप्या टिप्स फॉलो करून बनवा हलके- कुरकुरीत जाळीदार अनारसे, नोट करून घ्या पारंपरिक रेसिपी

कृती:

• मल्टीविटामिन चटणी बनवण्यासाठी सर्वप्रथम, कढई गरम करून त्यात खोबऱ्याचे तुकडे हलकेसे भाजून घ्या.
• त्यानंतर शेवग्याची स्वच्छ धुवून कोरडी केलेली पाने घालून कढईमध्ये हलकीशी भाजा. या पानांसोबतच तुम्ही कढीपत्त्याची सुद्धा पाने भाजू शकता.
• त्यानंतर त्यात जवस, शेंगदाणे, तीळ, फुटाणे, जिरं घालून वेगवेगळं भाजून घ्या. सर्वच पदार्थ भाजताना मंद आचेवर भाजावे.
• भाजून घेतलेले सर्व पदार्थ थंड होण्यासाठी ठेवा. मिक्सरच्या भांड्यात भाजून घेतलेली कढीपत्त्याची पाने आणि शेवग्याची पाने टाकून बारीक वाटून घ्या.
• त्यानंतर त्यात भाजून घेतलेले इतर सर्व पदार्थ, गूळ, चिंच, मीठ, लाल तिखट घालून पुन्हा एकदा चटणी बारीक वाटून घ्या.
• तयार आहे सोप्या पद्धतीमध्ये बनवलेली मल्टीविटामिन चटणी. तयार केलेली चटणी कायमच बंद हवेच्या झाकणामध्ये भरून ठेवा.